Ýkraina-Resei arasyndaǵy máselege bailanysty Úkimet janynan qazaqstandyq kásipkerlerge kómektesetin shuǵyl shtab jumys istep jatyr. «Atameken» ulttyq kásipkerler palatasy Tóralqasynyń tóraǵasy Raiymbek Batalov tikelei efirde ótken brifingide osyndai málimet aitty, dep habarlaidy QazAqparat.
«Ýkrainaǵa taýar ótkizý buzyldy, kórshi elderge taýar ótkizý buzyldy. Osyndai kúiip turǵan máseleler tolyp jatyr. Premer-Ministrmen kún saiyn keshke shtab jiyny ótedi. Kerek ministrlerdiń bári sol shtabqa qatysady. Ár máseleni pysyqtap, naqty faktilerdi berip otyrmyz. Sol faktiler boiynsha birden tapsyrmalar beriledi. Máseleler osyndai jolmen sheshilip jatyr. Ázirge algortimderdi ázirlep jatyrmyz. Durys algoritmdi synap, tańdap jatyrmyz desek bolady», – dedi palata Tóralqasynyń tóraǵasy.
Onyń aitýynsha, jaǵdai shynymen de tótenshe.
«Rýbldiń kesirinen teńge baǵamy qalai qubylǵanyn kórip otyrsyzdar. Mundai kúiip turǵan máseleler óte kóp. Óńirlik palatalardyń bári osyndai rejimmen jumys istep jatyr.
Sondai-aq, kórshi elderdegi geosaiasi jaǵdaiǵa bailanysty týyndaǵan problemalardy birneshe sanatqa bólip qarap jatyrmyz. Shaǵyn jáne mikro, iri jáne orta biznes dep bólip qarap jatyrmyz», -dedi Raiymbek Batalov.
