Qazaqstannyń 241 azamaty Ýkraina-Polsha shekarasyn kesip ótti, taǵy 99 azamat shekarada kezekte tur, - dep habarlaidy Tengrinews.kz tilshisi Syrtqy ister ministrliginiń baspasóz qyzmetine silteme jasap.
"28 aqpandaǵy jaǵdai boiynsha Ýkraina-Polsha shekarasyn Qazaqstannyń 241 azamaty kesip ótti. Shekarada taǵy 99 otandas kútip tur, olarmen birge Qazaqstannyń Kievtegi Elshiliginiń diplomattary bar.
Qazaqstannyń Polshadaǵy Elshiligi bizdiń azamattardyń shekaradan ótýin qamtamasyz etý úshin poliak tarapynan shekarada diplomattardyń táýlik boiy kezekshiligin qamtamasyz etti", - delingen habarlamada.
174 orynǵa eseptelgen "Eir Astananyń" evakýatsiialyq borty 28 aqpanda Nur-Sultan ýaqyty boiynsha saǵat 09.50-de Atyraýdan ushyp shyqqany atap ótildi. Katovitse qalasyna keletin ýaqyty - Nur-Sultan ýaqyty boiynsha 14.00.
Katovitse - Atyraý baǵyty boiynsha keri reis 28 aqpanda Nur-Sultan ýaqyty boiynsha saǵat 15.30-ǵa josparlanǵan.
Qazaqstan azamattary Katovitsege jinalyp jatqandyqtan, qosymsha evakýatsiialyq reister de josparlanǵan.
