قازاقستاننىڭ 241 ازاماتى ۋكراينا-پولشا شەكاراسىن كەسٸپ ٶتتٸ, تاعى 99 ازامات شەكارادا كەزەكتە تۇر, - دەپ حابارلايدى Tengrinews.kz تٸلشٸسٸ سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
"28 اقپانداعى جاعداي بويىنشا ۋكراينا-پولشا شەكاراسىن قازاقستاننىڭ 241 ازاماتى كەسٸپ ٶتتٸ. شەكارادا تاعى 99 وتانداس كٷتٸپ تۇر, ولارمەن بٸرگە قازاقستاننىڭ كيەۆتەگٸ ەلشٸلٸگٸنٸڭ ديپلوماتتارى بار.
قازاقستاننىڭ پولشاداعى ەلشٸلٸگٸ بٸزدٸڭ ازاماتتاردىڭ شەكارادان ٶتۋٸن قامتاماسىز ەتۋ ٷشٸن پولياك تاراپىنان شەكارادا ديپلوماتتاردىڭ تەۋلٸك بويى كەزەكشٸلٸگٸن قامتاماسىز ەتتٸ", - دەلٸنگەن حابارلامادا.
174 ورىنعا ەسەپتەلگەن "ەير استانانىڭ" ەۆاكۋاتسييالىق بورتى 28 اقپاندا نۇر-سۇلتان ۋاقىتى بويىنشا ساعات 09.50-دە اتىراۋدان ۇشىپ شىققانى اتاپ ٶتٸلدٸ. كاتوۆيتسە قالاسىنا كەلەتٸن ۋاقىتى - نۇر-سۇلتان ۋاقىتى بويىنشا 14.00.
كاتوۆيتسە - اتىراۋ باعىتى بويىنشا كەرٸ رەيس 28 اقپاندا نۇر-سۇلتان ۋاقىتى بويىنشا ساعات 15.30-عا جوسپارلانعان.
قازاقستان ازاماتتارى كاتوۆيتسەگە جينالىپ جاتقاندىقتان, قوسىمشا ەۆاكۋاتسييالىق رەيستەر دە جوسپارلانعان.
