Ýkraina Reseimen áskeri qaqtyǵys kezinde óz aýmaǵynyń úshten birinen nemese jartysynan aiyrylýy múmkin. Soǵystyń ózi 2030 jylǵa deiin jalǵasýy múmkin. Vengriia premer-ministri Viktor Orban jabyq otyrysta osyndai pikir bildirdi, - dep habarlaidy Massaget.kz tilshisi "Ýkrainskaia pravda" basylymyna silteme jasap.
Orban sóziniń qysqasha mazmunyn Szabad Europa jariialady. Vengriia premeriniń aitýynsha, soǵys jergilikti sipatqa ie bolar edi, biraq Batys aralasyp, ony jahandyq etip jiberdi, endi Eýropa sanktsiialarymen "óz aiaǵynan shalyp otyr".
Orban sanktsiialardan týyndaǵan energetika daǵdarysyna bailanysty Eýropa ónerkásibiniń 40 paiyzyna deiin qysta jabylýy múmkin dep boljaidy. Eýropa kóshbasshylary sanktsiialar paketin kúzde taǵy alty aiǵa uzartý týraly kelissózder júrgizedi dep kútiledi jáne Orban olardyń uzartylýyna jol bermeý úshin kúsh salýdy josparlap otyr.
Ol qazir Eýroodaqtaǵy sanktsiialardy uzartqysy kelmeitin is júzinde jalǵyz úkimet basshysy ekenin biledi, biraq qyrkúiektegi sailaýdan keiin Italiiada onyń ustanymyn qoldaityn úkimet qurylady dep úmittenedi.
EO-nyń bolashaǵyna qatysty Orban eýroaimaq, tipti Eýropalyq Odaqtyń ózi 2030 jylǵa deiin ydyraýy múmkin ekenin moiyndady.
Sondai-aq, saiasatker 2040 jylǵa qarai musylman immigranttary Frantsiia qalalarynda basym bolatynyn, bul EO-nyń basqa qalalary men astanalarynda bolýy múmkin degen boljam aitty.
