ۋكراينا رەسەيمەن ەسكەري قاقتىعىس كەزٸندە ٶز اۋماعىنىڭ ٷشتەن بٸرٸنەن نەمەسە جارتىسىنان ايىرىلۋى مٷمكٸن. سوعىستىڭ ٶزٸ 2030 جىلعا دەيٸن جالعاسۋى مٷمكٸن. ۆەنگرييا پرەمەر-مينيسترٸ ۆيكتور وربان جابىق وتىرىستا وسىنداي پٸكٸر بٸلدٸردٸ, - دەپ حابارلايدى Massaget.kz تٸلشٸسٸ "ۋكراينسكايا پراۆدا" باسىلىمىنا سٸلتەمە جاساپ.
وربان سٶزٸنٸڭ قىسقاشا مازمۇنىن Szabad Europa جارييالادى. ۆەنگرييا پرەمەرٸنٸڭ ايتۋىنشا, سوعىس جەرگٸلٸكتٸ سيپاتقا يە بولار ەدٸ, بٸراق باتىس ارالاسىپ, ونى جاھاندىق ەتٸپ جٸبەردٸ, ەندٸ ەۋروپا سانكتسييالارىمەن "ٶز اياعىنان شالىپ وتىر".
وربان سانكتسييالاردان تۋىنداعان ەنەرگەتيكا داعدارىسىنا بايلانىستى ەۋروپا ٶنەركەسٸبٸنٸڭ 40 پايىزىنا دەيٸن قىستا جابىلۋى مٷمكٸن دەپ بولجايدى. ەۋروپا كٶشباسشىلارى سانكتسييالار پاكەتٸن كٷزدە تاعى التى ايعا ۇزارتۋ تۋرالى كەلٸسسٶزدەر جٷرگٸزەدٸ دەپ كٷتٸلەدٸ جەنە وربان ولاردىڭ ۇزارتىلۋىنا جول بەرمەۋ ٷشٸن كٷش سالۋدى جوسپارلاپ وتىر.
ول قازٸر ەۋرووداقتاعى سانكتسييالاردى ۇزارتقىسى كەلمەيتٸن ٸس جٷزٸندە جالعىز ٷكٸمەت باسشىسى ەكەنٸن بٸلەدٸ, بٸراق قىركٷيەكتەگٸ سايلاۋدان كەيٸن يتالييادا ونىڭ ۇستانىمىن قولدايتىن ٷكٸمەت قۇرىلادى دەپ ٷمٸتتەنەدٸ.
ەو-نىڭ بولاشاعىنا قاتىستى وربان ەۋروايماق, تٸپتٸ ەۋروپالىق وداقتىڭ ٶزٸ 2030 جىلعا دەيٸن ىدىراۋى مٷمكٸن ەكەنٸن مويىندادى.
سونداي-اق, ساياساتكەر 2040 جىلعا قاراي مۇسىلمان يمميگرانتتارى فرانتسييا قالالارىندا باسىم بولاتىنىن, بۇل ەو-نىڭ باسقا قالالارى مەن استانالارىندا بولۋى مٷمكٸن دەگەن بولجام ايتتى.
