Ýkraina aktsiiasynyń basym bóligi qytailyq kompaniiaǵa tiesili "Motor Sich" áýe kompaniiasyn strategiialyq mańyzdylyǵy úshin memleket menshigine qaitarýdy josparlap otyr.
"Motor Sich" kompaniiasyn Ýkraina halqyna qaitarý týraly sheshim qabyldandy" dedi Ýkraina qaýipsizdik jáne qorǵanys keńesiniń basshysy Aleksei Danilov 11 naýryz kúni uiymnyń otyrysynda.
Ol memleket menshigine qaitarý protsesi "zańdy, konstitýtsiialyq joldarmen" júretinin jáne investorlarǵa kompensatsiia tólenetinin aitty.
Sarapshylardyń aitýynsha, ushaq motoryn qurastyrýmen ainalysatyn kásiporyndy memleket menshigine qaitarý Qytaiǵa unamaityny anyq, biraq Ýkrainanyń Resei agressiiana tótep berýin qoldaityn sheteldik áriptesi AQSh bul sheshimdi qoldaidy.
Vashington sońǵy kezde "Motor Sichke" qytailyq investitsiianyń quiylýyna qarsylyq bildirip kelgen. AQSh bul qadam óziniń ozyq tehnologiiasynyń qoldy bolýyna túrtki bolady dep alańdaidy.
AQSh "Motor Sichti" iemdenýge umtylǵan qytailyq Skyrizon Aviation kompaniiasyn qańtar aiynda qara tizimge engizip, Qytaidyń "jyrtqyshtyq" investitsiiasy men tehnologiiany iemdenýi ony áskeri maqsatta qoldanýǵa jol ashady degen qaýip aitqan.
Eki aptadan keiin Ýkraina prezidenti Vladimir Zelenskii qytailyq tórt kompaniiaǵa (arasynda Skyrizon de bar) sanktsiia salý týraly jarlyqqa qol qoiǵan.
Skyrizon-ge aqsha salǵan qytailyq investorlar jeltoqsan aiynda Ýkrainaǵa qarsy 3,5 milliard dollarlyq shaǵym túsirgen. Olar Kievti "Motor Sichke" salǵan investitsiiasynan aiyrmaq boldy dep aiyptady.
"Motor Sich" tikushaq jáne ushaq motorlaryn qurastyrýmen ainalysady. Kásiporyn sonymen birge zymyran men drondarda qoldanylatyn bólshekterdi shyǵarady.
