ۋكراينا اكتسيياسىنىڭ باسىم بٶلٸگٸ قىتايلىق كومپانيياعا تيەسٸلٸ "موتور سيچ" ەۋە كومپانيياسىن ستراتەگييالىق ماڭىزدىلىعى ٷشٸن مەملەكەت مەنشٸگٸنە قايتارۋدى جوسپارلاپ وتىر.
"موتور سيچ" كومپانيياسىن ۋكراينا حالقىنا قايتارۋ تۋرالى شەشٸم قابىلداندى" دەدٸ ۋكراينا قاۋٸپسٸزدٸك جەنە قورعانىس كەڭەسٸنٸڭ باسشىسى الەكسەي دانيلوۆ 11 ناۋرىز كٷنٸ ۇيىمنىڭ وتىرىسىندا.
ول مەملەكەت مەنشٸگٸنە قايتارۋ پروتسەسٸ "زاڭدى, كونستيتۋتسييالىق جولدارمەن" جٷرەتٸنٸن جەنە ينۆەستورلارعا كومپەنساتسييا تٶلەنەتٸنٸن ايتتى.
ساراپشىلاردىڭ ايتۋىنشا, ۇشاق موتورىن قۇراستىرۋمەن اينالىساتىن كەسٸپورىندى مەملەكەت مەنشٸگٸنە قايتارۋ قىتايعا ۇنامايتىنى انىق, بٸراق ۋكراينانىڭ رەسەي اگرەسسييانا تٶتەپ بەرۋٸن قولدايتىن شەتەلدٸك ەرٸپتەسٸ اقش بۇل شەشٸمدٸ قولدايدى.
ۆاشينگتون سوڭعى كەزدە "موتور سيچكە" قىتايلىق ينۆەستيتسييانىڭ قۇيىلۋىنا قارسىلىق بٸلدٸرٸپ كەلگەن. اقش بۇل قادام ٶزٸنٸڭ وزىق تەحنولوگيياسىنىڭ قولدى بولۋىنا تٷرتكٸ بولادى دەپ الاڭدايدى.
اقش "موتور سيچتٸ" يەمدەنۋگە ۇمتىلعان قىتايلىق Skyrizon Aviation كومپانيياسىن قاڭتار ايىندا قارا تٸزٸمگە ەنگٸزٸپ, قىتايدىڭ "جىرتقىشتىق" ينۆەستيتسيياسى مەن تەحنولوگييانى يەمدەنۋٸ ونى ەسكەري ماقساتتا قولدانۋعا جول اشادى دەگەن قاۋٸپ ايتقان.
ەكٸ اپتادان كەيٸن ۋكراينا پرەزيدەنتٸ ۆلاديمير زەلەنسكيي قىتايلىق تٶرت كومپانيياعا (اراسىندا Skyrizon دە بار) سانكتسييا سالۋ تۋرالى جارلىققا قول قويعان.
Skyrizon-گە اقشا سالعان قىتايلىق ينۆەستورلار جەلتوقسان ايىندا ۋكرايناعا قارسى 3,5 ميلليارد دوللارلىق شاعىم تٷسٸرگەن. ولار كيەۆتٸ "موتور سيچكە" سالعان ينۆەستيتسيياسىنان ايىرماق بولدى دەپ ايىپتادى.
"موتور سيچ" تٸكۇشاق جەنە ۇشاق موتورلارىن قۇراستىرۋمەن اينالىسادى. كەسٸپورىن سونىمەن بٸرگە زىمىران مەن درونداردا قولدانىلاتىن بٶلشەكتەردٸ شىعارادى.
