Ýkraina qaýipsizdik qyzmeti Golodomor qurbandaryn eske alý kúniasharshylyqtyń kesirinen týyndaǵan 1937 jylǵy demografiialyq daǵdarys týraly osyǵan deiin qupiia bolyp kelgen málimetti jariialady. Bul aqparatty Ýkraina qaýipsizdik qyzmetiniń baspasóz qyzmeti Facebook-taǵy paraqshasynda habarlady.
"1937 jylǵy búkil odaq kóleminde júrgizilgen halyq sanaǵy naǵyz demografiialyq daǵdarys bolǵanyn kórsetti" deidi Ýkraina qaýipsizdik qyzmeti mamandary. Ol kezde sovet demograftary Ýkraina halqy 35 mln bolady dep boljaǵan. "Alaida sanaq nátijesi 29 mln adam qalǵanyn kórsetken, iaǵni is júzinde 1926 jylǵy halyq sany ózgermegen" delingen habarlamada.
ÝQQ mamandarynyń aitýynsha, sanaq júrgizgen basqarma jetekshileri "halyq sanyn jasandy túrde azaityp kórsetti" dep aiyptalyp, atylyp ketken.
Ýkraina joǵarǵy radasy 14 jyl buryn Golodomordy 1932-33 jyldary ýkrain halqyna jasalǵan genotsid dep tanyǵan. Kiev ózge memleketterdi de Golodomordy genotsid dep tanýǵa shaqyrǵan.
