ۋكراينا قاۋٸپسٸزدٸك قىزمەتٸ گولودومور قۇرباندارىن ەسكە الۋ كٷنٸاشارشىلىقتىڭ كەسٸرٸنەن تۋىنداعان 1937 جىلعى دەموگرافييالىق داعدارىس تۋرالى وسىعان دەيٸن قۇپييا بولىپ كەلگەن مەلٸمەتتٸ جارييالادى. بۇل اقپاراتتى ۋكراينا قاۋٸپسٸزدٸك قىزمەتٸنٸڭ باسپاسٶز قىزمەتٸ Facebook-تاعى پاراقشاسىندا حابارلادى.
"1937 جىلعى بٷكٸل وداق كٶلەمٸندە جٷرگٸزٸلگەن حالىق ساناعى ناعىز دەموگرافييالىق داعدارىس بولعانىن كٶرسەتتٸ" دەيدٸ ۋكراينا قاۋٸپسٸزدٸك قىزمەتٸ ماماندارى. ول كەزدە سوۆەت دەموگرافتارى ۋكراينا حالقى 35 ملن بولادى دەپ بولجاعان. "الايدا ساناق نەتيجەسٸ 29 ملن ادام قالعانىن كٶرسەتكەن, ياعني ٸس جٷزٸندە 1926 جىلعى حالىق سانى ٶزگەرمەگەن" دەلٸنگەن حابارلامادا.
ۋقق ماماندارىنىڭ ايتۋىنشا, ساناق جٷرگٸزگەن باسقارما جەتەكشٸلەرٸ "حالىق سانىن جاساندى تٷردە ازايتىپ كٶرسەتتٸ" دەپ ايىپتالىپ, اتىلىپ كەتكەن.
ۋكراينا جوعارعى راداسى 14 جىل بۇرىن گولودوموردى 1932-33 جىلدارى ۋكراين حالقىنا جاسالعان گەنوتسيد دەپ تانىعان. كيەۆ ٶزگە مەملەكەتتەردٸ دە گولودوموردى گەنوتسيد دەپ تانۋعا شاقىرعان.
