Ýkraina biligi sanktsiialyq tizimine ilingen jeke jáne zańdy tulǵalardyń tizimin jariialady. Sanktsiia týraly sheshimdi el prezidenti Vladimir Zelenskiidiń maquldaýymen Ulttyq qaýipsizdik jáne qorǵanys keńesi qabyldady.
Tizimge 19 zańdy tulǵa kirgen. Onyń ishinde reseilik "Sportmaster" dúkender jelisi de bar (sanktsiia dúkender jelisine ielik etetin kompaniiaǵa salynǵan, kompaniia Singapýrde tirkelgen). Sanktsiialyq tizimdegilerge Ýkraina aýmaǵynda saýda operatsiialaryn júrgizýge, resýrstardy tasymaldaýda tyiym salynady.
Tizimge birqatar reseilik kompaniia kirgen. Olardyń arasynda "BIOTEK" farmatsevtik holdingi, Sevastopol memlekettik ýniversiteti, munai ónimderin ázirleitin Novoshahtinsk zaýyty, "Donskie ýgli" saýda úii bar. Tizimdegi birqatar kompaniianyń reseishil ýkrainalyq saiasatker Vikto Medvedchýk pen onyń áieli Oksana Marchenkoǵa qatysy bar. Olar da sanktsiiaǵa ilingen.
Bir kún buryn AQSh Ýkrainanyń Medvedchýkke qarsy sanktsiia jariialaýyna qoldaý bildirgen. Resei prezidenti Vladimir Pýtin – Medvedchýktiń qyzynyń ókil ákesi. Vashington AQSh-tyń Medvedchýkke qarsy sanktsiiasyn 2014 jyldyń ózinde-aq jariialaǵanyn atap ótti. Ýkrainalyq saiasatker amerikalyq tizimge Ýkrainanyń qaýipsizdigin, territoriialyq tutastyǵyn jáne demokratiialyq institýttaryn "buzǵany" úshin kirgen.
"Ýkrainskaia pravda" gazetiniń jazýynsha, Ulttyq qaýipsizdik jáne qorǵanys jónindegi keńes sondai-aq satylymy Medvedchýkke qatysy bar degen munai qubyrlaryn memlekettendirý úshin shuǵyl sharalar jóninde sheshim qabyldaǵanyn jazdy. Sanktsiia aiasynda aktivterdiń buǵattalýy qarastyrylǵan.
Resei prezidentiniń baspasóz hatshysy Dmitrii Peskov málimdeme jasap, Ýkrainanyń Medvedchýkke qarsy sanktsiia jariialaýyn "Donbasstaǵy áskeri sheshimge ákelýi múmkin alańdatarlyq aqparat" dep baǵalady.
