ۋكراينا بيلٸگٸ سانكتسييالىق تٸزٸمٸنە ٸلٸنگەن جەكە جەنە زاڭدى تۇلعالاردىڭ تٸزٸمٸن جارييالادى. سانكتسييا تۋرالى شەشٸمدٸ ەل پرەزيدەنتٸ ۆلاديمير زەلەنسكييدٸڭ ماقۇلداۋىمەن ۇلتتىق قاۋٸپسٸزدٸك جەنە قورعانىس كەڭەسٸ قابىلدادى.
تٸزٸمگە 19 زاڭدى تۇلعا كٸرگەن. ونىڭ ٸشٸندە رەسەيلٸك "سپورتماستەر" دٷكەندەر جەلٸسٸ دە بار (سانكتسييا دٷكەندەر جەلٸسٸنە يەلٸك ەتەتٸن كومپانيياعا سالىنعان, كومپانييا سينگاپۋردە تٸركەلگەن). سانكتسييالىق تٸزٸمدەگٸلەرگە ۋكراينا اۋماعىندا ساۋدا وپەراتسييالارىن جٷرگٸزۋگە, رەسۋرستاردى تاسىمالداۋدا تىيىم سالىنادى.
تٸزٸمگە بٸرقاتار رەسەيلٸك كومپانييا كٸرگەن. ولاردىڭ اراسىندا "بيوتەك" فارماتسەۆتٸك حولدينگٸ, سەۆاستوپول مەملەكەتتٸك ۋنيۆەرسيتەتٸ, مۇناي ٶنٸمدەرٸن ەزٸرلەيتٸن نوۆوشاحتينسك زاۋىتى, "دونسكيە ۋگلي" ساۋدا ٷيٸ بار. تٸزٸمدەگٸ بٸرقاتار كومپانييانىڭ رەسەيشٸل ۋكراينالىق ساياساتكەر ۆيكتو مەدۆەدچۋك پەن ونىڭ ەيەلٸ وكسانا مارچەنكوعا قاتىسى بار. ولار دا سانكتسيياعا ٸلٸنگەن.
بٸر كٷن بۇرىن اقش ۋكراينانىڭ مەدۆەدچۋككە قارسى سانكتسييا جارييالاۋىنا قولداۋ بٸلدٸرگەن. رەسەي پرەزيدەنتٸ ۆلاديمير پۋتين – مەدۆەدچۋكتٸڭ قىزىنىڭ ٶكٸل ەكەسٸ. ۆاشينگتون اقش-تىڭ مەدۆەدچۋككە قارسى سانكتسيياسىن 2014 جىلدىڭ ٶزٸندە-اق جارييالاعانىن اتاپ ٶتتٸ. ۋكراينالىق ساياساتكەر امەريكالىق تٸزٸمگە ۋكراينانىڭ قاۋٸپسٸزدٸگٸن, تەرريتورييالىق تۇتاستىعىن جەنە دەموكراتييالىق ينستيتۋتتارىن "بۇزعانى" ٷشٸن كٸرگەن.
"ۋكراينسكايا پراۆدا" گازەتٸنٸڭ جازۋىنشا, ۇلتتىق قاۋٸپسٸزدٸك جەنە قورعانىس جٶنٸندەگٸ كەڭەس سونداي-اق ساتىلىمى مەدۆەدچۋككە قاتىسى بار دەگەن مۇناي قۇبىرلارىن مەملەكەتتەندٸرۋ ٷشٸن شۇعىل شارالار جٶنٸندە شەشٸم قابىلداعانىن جازدى. سانكتسييا اياسىندا اكتيۆتەردٸڭ بۇعاتتالۋى قاراستىرىلعان.
رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ مەلٸمدەمە جاساپ, ۋكراينانىڭ مەدۆەدچۋككە قارسى سانكتسييا جارييالاۋىن "دونباسستاعى ەسكەري شەشٸمگە ەكەلۋٸ مٷمكٸن الاڭداتارلىق اقپارات" دەپ باعالادى.
