UQK bailanys jelileri men Internetke qol jetkizýdi toqtatýǵa qatysty túsinik berdi, - dep habarlaidy "Ult aqparat" vedomstvonyń baspasóz qyzmetine silteme jasap.
2016 jylǵy 22 jeltoqsandaǵy "Qazaqstan Respýblikasynyń keibir zańnamalyq aktilerine ekstremizmge jáne terrorizmge qarsy is-qimyl máseleleri boiynsha ózgerister men tolyqtyrýlar engizý týraly" Qazaqstan Respýblikasynyń Zańymen "Bailanys týraly" Zańnyń 41-1 baby, kelesi mazmundaǵy 1-2 tarmaǵymen tolyqtyryldy:
"Keiinge qaldyrýǵa bolmaityn jáne aýyr jáne asa aýyr qylmystardyń, sondai-aq qylmystyq top daiyndaityn jáne jasaityn qylmystardyń jasalýyna ákep soǵýy múmkin jaǵdailarda Qazaqstan Respýblikasy Ulttyq qaýipsizdik komitetiniń Tóraǵasy, onyń orynbasarlary nemese Qazaqstan Respýblikasy Ulttyq qaýipsizdik komitetiniń aýmaqtyq organdarynyń bastyqtary ne olardy almastyratyn adamdar keiinnen bailanys salasyndaǵy ýákiletti organdy jáne Qazaqstan Respýblikasynyń Bas prokýratýrasyn jiyrma tórt saǵat ishinde habardar ete otyryp, jedel-izdestirý qyzmetiniń barlyq sýbektileriniń múddesinde bailanys jelileriniń jáne (nemese) quraldarynyń jumysyn, bailanys qyzmetteriniń kórsetilýin, internet-resýrstarǵa jáne (nemese) olarda ornalastyrylǵan aqparatqa qol jetkizýdi toqtata turýǵa quqyly.
Bailanys jelileriniń jáne (nemese) quraldarynyń jumysyn, bailanys qyzmetteriniń kórsetilýin, internet-resýrstarǵa jáne (nemese) olarda ornalastyrylǵan aqparatqa qol jetkizýdi toqtata turý tártibi Qazaqstan Respýblikasynyń Bas prokýratýrasymen kelisý boiynsha jedel-izdestirý qyzmeti sýbektileri men bailanys salasyndaǵy ýákiletti organnyń birlesken normativtik quqyqtyq aktisinde aiqyndalady";
Budan ózge kórsetilgen baptyń 1) tarmaqshasy, 3-tarmaǵy kelesidei ózgertildi:
1) ýákiletti organnan nemese Qazaqstan Respýblikasynyń ulttyq qaýipsizdik organdarynan osy baptyń 1, 1-1 jáne 1-2-tarmaqtarynda kórsetilgen nusqamany nemese sheshimdi oryndaý jóninde sharalar qoldaný týraly talapty alǵannan keiin ony bailanys jelileriniń jáne (nemese) quraldarynyń jumysyn, bailanys qyzmetteriniń kórsetilýin, internet-resýrstarǵa jáne (nemese) olarda ornalastyrylǵan aqparatqa qol jetkizýdi ýaqytsha toqtata turý jolymen úsh saǵattan aspaityn ýaqyt ishinde oryndaýǵa mindetti";
Qazirgi kezde zańnamada kórsetilgen ózgertýlerge keibir sýbektiler tarapynan teris túsinik berý baiqalyp jatyr. Osy oraida Qazaqstan Respýblikasynyń Ulttyq qaýipsizdik komiteti birshama túsiniktemeler berýdi qajet dep tapty.
Baspasóz qyzmetindegilerdiń málimetinshe, joǵaryda kórsetilgen quqyq normasy óńirlik internet-servisteri men bailanys jelilerin jappai toqtatýdy kózdemeidi, sebebi qoldanystaǵy zańnamada Bas prokýror men bailanys salasyndaǵy ýákiletti organǵa antiterrorlyq operatsiia júrgizý barysynda, qoǵamdyq tártip pen BAQ salasyndaǵy ózge de zańnamalardy buzýshylyq týyndaǵan jaǵdaida jeliler men bailanys quraldaryn paidalanýdy shekteý úshin quqyqtyq negiz qarastyrylǵan ("Terrorizmge qarsy is-qimyl týraly» jáne "Bailanys týraly" Qazaqstan Respýblikasynyń Zańdary).
Sonymen birge ulttyq qaýipsizdik organdary tarapynan bailanys qyzmetin toqtatý týraly sheshim aýyr jáne asa aýyr qylmys jasaýǵa soqtyrýy múmkin sybailastaryn aqparattandyrý jáne is-áreketin úilestirýge jol bermeý maqsatynda naqty abonentterge qatysty qabyldanatyn bolady.
Condai-aq, baspasóz qyzmetindegilerdiń málimetinshe, jeliler men bailanys quraldary qyzmetin toqtatý Qazaqstan Respýblikasynyń Bas prokýratýrasymen kelisilgen jedel-izdestirý qyzmeti sýbektileri men bailanys salasyndaǵy ýákiletti organnyń birlesken buiryǵy negizinde tiisti operatorlarmen iske asyrylatyn bolady.
.jpeg)