UQK zańsyz qolma-qol aqshaǵa ainaldyrý arnasynyń joly kesilgeni týraly habarlady, - dep habarlaidy "Ult aqparat".
"2022 jyldyń shilde aiynda Ulttyq qaýipsizdik komiteti kásipkerlik sýbektilerine zańsyz jolmen 135 milliard teńge somasyndaǵy qarajatty qolma-qol aqshaǵa ainaldyrý jáne salyq tóleýden jaltarýǵa uzaq ýaqyt boiy kómektesip kelgen adamdarǵa qatysty aýqymdy qylmystyq isti tergeýdi aiaqtady.
Zańǵa qaishy is-áreketke 300 adam, onyń ishinde sheteldik azamattar bar jáne 500 jýyq jalǵan kompaniialar men 5 myń kontragentter tartylǵan bolyp shyqty", - delingen vedomstvo saitynda.
5 jeltoqsanda Qaraǵandy qalasy Qazybek bi aýdandyq soty osy iske qatysy bar 20 figýrantty QR QK-nyń 216-baby 3-tarmaǵy jáne 28-245-baby 3-tarmaǵy boiynsha kináli dep tanyp, ár-túrli jaza merzimderine sottaǵan.
"Osy qylmysty tergeýdiń tájiribesi Qazaqstan Respýblikasyndaǵy kóleńkeli ekonomikaǵa qarsy is-qimyl boiynsha jumystyń algoritmin jasap shyǵarýǵa múmkindik berdi.
Jalpy alǵanda, Ulttyq qaýipsizdik komiteti qoldanǵan sharalar oń áser etip, elimizdegi qarjyny zańsyz qolma-qol aqshaǵa ainaldyrý deńgeiin tómendetýge jaǵdai jasady. Bul baǵyttaǵy jumys jalǵasyp jatyr", - dedi QR UQK baspasóz qyzmeti ókilderi.
