© Photo: Pexels / Tima Miroshnichenko
Ulttyq qaýipsizdik komiteti prokýratýra organdarynyń úilestirýimen trafiktiń jáne telefondyq bailanysýlardyń zańsyz ótýin uiymdastyrdy degen kúdikke ilingen Qazaqstan azamatyn ustady, dep habarlaidy "Ult aqparat" vedomstvonyń baspasóz qyzmetine silteme jasap.
Tergeý boljamy boiynsha, ol sheteldik qaskúnemderge alaiaqtyq áreketterin júzege asyrý úshin Qazaqstanǵa shalǵan qońyraýlaryn jasyrýǵa múmkindik beretin qyzmet kórsetken.
Bul operatsiialar sheteldik nómirlerdi qazaqstandyq nómirge aýystyratyn arnaiy qurylǵyny jáne ziian keltiretin baǵdarlamalyq qondyrǵylardy paidalaný arqyly júzege asyrylǵan.
Nátijesinde, kúdikti ulttyq bailanys operatorlaryna zalal keltire otyryp, ústeme paida alǵan, al sheteldik alaiaqtar onyń qyzmetin paidalanyp, respýblika turǵyndaryn aldaǵan.
Foto: QR UQK
"Bul derekke qatysty Qylmystyq kodekstiń 210-baby 3-bóligi boiynsha sotqa deiingi tergeý amaldary júrgizilip jatyr.
Qylmystyq-protsestik kodekstiń 201-baby 1-bóligine sáikes ózge aqparattar jariia etýge jatpaidy" - delingen habarlamada.
Aita keteiik, tek sońǵy 3 jylda 43 milliard teńge somasy shamasynda zalal keltirýmen 59 myń internet-alaiaqtyq faktileri tirkelgen.
