2017 jyldyń 17 mamyrynda Qazaqstan Respýblikasynyń Ulttyq qaýipsizdik komiteti QR IIM-men birlesip, Qyzylorda oblysynyń aýmaǵynda munai jáne munai ónimderin zańsyz satyp alýǵa, tasymaldaýǵa, saqtaýǵa jáne satýǵa qatysy bar birneshe qylmystyq top áreketiniń jolyn kesý boiynsha aýqymdy arnaiy operatsiia bastady, - dep habarlaidy "Ult aqparat" UQK baspasóz qyzmetine silteme jasap.
"Qyzylorda, Taraz jáne Shymkent qalalarynda vedomstvoaralyq jedel-tergeý toptarynyń músheleri bir mezgilde 8 qatysty adamdy ustady, olardyń turǵylyqty jerleri boiynsha jáne olarǵa úlestes kásiporyndarda, onyń ishinde «KAIS-servis» JShS-da (Qyzylorda qalasy, asfalt óndirý zaýyty jáne munai quiý terminaly), «Qaramai Oil» JShS (Taraz qalasy, munai quiý terminaly) 21 tintý is-sharasyn júrgizdi. Qylmystyq munai biznesin qoldaýshylar qatarynan QR BP IQB ókilderimen birge Qyzylorda kólik prokýrory N. Serikbaev ustaldy. Jedel-tergeý is-sharalary jalǵasýda", - delingen resmi habarlamada.
