Foto: ashyq derekkóz
2026 jylǵy 4 aqpanda Ulttyq qaýipsizdik komiteti Ishki ister ministrligimen birlesip, Bas prokýratýranyń úilestirýimen qarý-jaraqty zańsyz ótkizý jáne saqtaý, qorqytyp alý, urlanǵan avtokólikterdi zańdastyrý jáne ózge de qylmystarǵa qatysy bar birqatar qylmystyq toptardyń zańsyz qyzmetin toqtatýǵa baǵyttalǵan arnaiy operatsiia júrgizdi, dep habarlaidy Ult.kz.
Arnaiy is-sharalar bir mezgilde Almaty jáne Shymkent qalalarynda, Aqtóbe, Almaty, Shyǵys Qazaqstan, Jambyl oblystarynda, sondai-aq Abai jáne Jetisý oblystarynda ótkizilgen. Operatsiia nátijesinde 20 adam ustalyp, olardyń 10-y ýaqytsha ustaý izoliatoryna qamaldy.
Tintý barysynda kúdiktilerden atys qarýy men oq-dáriler, esirtki zattary, iri kólemdegi aqsha qarajattary jáne basqa da zattai dáleldemeler tárkilendi. Qazirgi ýaqytta atalǵan derekter boiynsha sotqa deiingi tergep-tekserý amaldary júrgizilip jatyr.
Qylmystyq-protsestik kodekstiń 201-babyna sáikes ózge aqparat jariia etýge jatpaidy.
