Foto: UQK baspasóz qyzmeti
4 shildede Ulttyq qaýipsizdik komiteti Ishki ister ministrligimen birlese otyryp, Batys Qazaqstan oblysy Prokýratýrasynyń úilestirýimen Almaty, Oral jáne Aqsai qalalarynda eki qylmystyq toptyń is-áreketiniń jolyn kesý boiynsha bir mezgilde arnaiy operatsiia júrgizdi, dep habarlaidy "Ult aqparat" UQK baspasóz qyzmetine silteme jasap.
Bopsalaý, buzaqylyq jáne tonaý kúdigimen qylmystyq toptyń 20 qatysýshysy ustalǵan.
"Birqatar tintý sharalary júrgizilip, nátijesinde atys jáne sýyq qarýlar, sondai-aq esirtki zattary tárkilendi.
Aldyn ala málimetter boiynsha, kúdiktilerdiń bas paidalary úshin beibit azamattardy qorqytqandary belgili boldy. Óz kezeginde, japa shekkender fizikalyq zorlyq-zombylyqtan qaýiptenip, ishki ister organdaryna júginbegen.
Atalǵan toptar buryn sottalǵandar jáne destrýktivti dini aǵym ókilderinen quralǵan. Sondai-aq qylmystyq top músheleri bir-birimen teketireste bolǵandary jáne belgili bir aimaqtarda óz ámirlerin júrgizý úshin qarý qoldana otyryp qaqtyǵystarǵa barǵandary belgili" - delingen habarlamada.
Iske asyrylǵan sharalar óńirdegi qylmystyq ahýaldyń jaqsarýyna yqpal etedi dep kútiledi.
Sotqa deiingi tergeý jalǵasyp jatyr.
video: UQK baspasóz qyzmeti
