23 aqpanda Ulttyq qaýipsizdik komiteti departamentiniń qyzmetkerleri Aqtóbe qalasynda eki er adamdy Internet-resýrstary arqyly psihotroptyq zattardy ótkizdi degen kúdikpen ustady, - dep habarlaidy "Ult aqparat" UQK saityna silteme jasap.
Protsessýaldyq is-sharalar barysynda zańsyz ainalymnan 1,7 keliden artyq "mefedron" jáne α-PVP psihotroptyq zattary alyndy.
25 aqpanda esirtki tobynyń taǵy eki qatysýshysy ustaldy, olardan tintý kezinde 2,8 keliden artyq sintetikalyq esirtki alyndy.
Sonymen qatar, 2 naýryzda Shyǵys Qazaqstan oblysynda Almaty qalasynan Óskemen qalasyna esirtki tasymaldaýǵa kúdikti er adam ustaldy. Tergeý is-qimyldarynda zańsyz ainalymnan 1,2 keli psihotroptyq zat alyndy.
Alynǵan esirtkiniń "qara naryqtaǵy" aldyn ala quny 114 million teńgeden artyq somaǵa baǵalanyp otyr.
Osy faktiler jóninde QR QK 297-baby 3-bóligi boiynsha tergeý bastaldy. Aqtóbe jáne Óskemen qalasynyń tergeý sottary ustalǵan adamdarǵa qatysty qamaýda ustaý túrindegi bultartpaý sharasyn sanktsiialady.
