23 اقپاندا ۇلتتىق قاۋٸپسٸزدٸك كوميتەتٸ دەپارتامەنتٸنٸڭ قىزمەتكەرلەرٸ اقتٶبە قالاسىندا ەكٸ ەر ادامدى ينتەرنەت-رەسۋرستارى ارقىلى پسيحوتروپتىق زاتتاردى ٶتكٸزدٸ دەگەن كٷدٸكپەن ۇستادى, - دەپ حابارلايدى "ۇلت اقپارات" ۇقك سايتىنا سٸلتەمە جاساپ.
پروتسەسسۋالدىق ٸس-شارالار بارىسىندا زاڭسىز اينالىمنان 1,7 كەلٸدەن ارتىق "مەفەدرون" جەنە α-PVP پسيحوتروپتىق زاتتارى الىندى.
25 اقپاندا ەسٸرتكٸ توبىنىڭ تاعى ەكٸ قاتىسۋشىسى ۇستالدى, ولاردان تٸنتۋ كەزٸندە 2,8 كەلٸدەن ارتىق سينتەتيكالىق ەسٸرتكٸ الىندى.
سونىمەن قاتار, 2 ناۋرىزدا شىعىس قازاقستان وبلىسىندا الماتى قالاسىنان ٶسكەمەن قالاسىنا ەسٸرتكٸ تاسىمالداۋعا كٷدٸكتٸ ەر ادام ۇستالدى. تەرگەۋ ٸس-قيمىلدارىندا زاڭسىز اينالىمنان 1,2 كەلٸ پسيحوتروپتىق زات الىندى.
الىنعان ەسٸرتكٸنٸڭ "قارا نارىقتاعى" الدىن الا قۇنى 114 ميلليون تەڭگەدەن ارتىق سوماعا باعالانىپ وتىر.
وسى فاكتٸلەر جٶنٸندە قر قك 297-بابى 3-بٶلٸگٸ بويىنشا تەرگەۋ باستالدى. اقتٶبە جەنە ٶسكەمەن قالاسىنىڭ تەرگەۋ سوتتارى ۇستالعان ادامدارعا قاتىستى قاماۋدا ۇستاۋ تٷرٸندەگٸ بۇلتارتپاۋ شاراسىن سانكتسييالادى.
