Qazaqstannyń Ulttyq qaýipsizdik komiteti (UQK) uzaq ýaqyt boiy zańsyz óndirilgen altyn kenin kontrabandalyq jolmen Qytaiǵa tasyǵan qylmystyq toptyń ustalǵanyn habarlady.
UQK habarlaýynsha, qylmystyq top Almaty, Astana jáne Stepnogorsk qalalaryndaǵy arnaiy operatsiia kezinde ustalǵan. Olardyń ishinde bir Qytai azamaty bar.
"Altynkól" stantsiiasynda jalpy salmaǵy 106 tonna altyn keni bar eki vagon qolǵa túsirildi. Jalǵan qujattar alyndy. Qylmystyq top qazyp alynǵan altyndy saqtaý jáne qaita óńdeý úshin paidalanǵan qoimalarǵa tintý júrgizildi. Qazylyp alynǵan altyn kenin tekseretin qoldan jasalǵan zerthana tabyldy. Osy fakt boiynsha sotqa deiingi tergeý bastaldy, birqatar saraptama taǵaiyndaldy" dep habarlady UQK baspasóz qyzmeti.
