Foto: QR UQK baspasóz qyzmeti
18 qyrkúiekte Mańǵystaý oblysynda Ulttyq qaýipsizdik komiteti prokýratýra jáne politsiia organdarymen birlesip, qylmystyq toptyń jolyn kesti, dep habarlaidy "Ult aqparat" vedomstvonyń baspasóz qyzmetine silteme jasap.
Olar kásipkerlerden aqsha bopsalady, aýyr dene jaraqatyn saldy jáne zańsyz qarý saqtady degen kúdikke ilinip otyr.
"Operatsiia kezinde qylmystyq toptyń kóshbasshysy men 3 múshesi ustalyp, atys qarýy men oq-dáriler tárkilendi.
Qolda bar derekterge sai, olar oblystyq jáne halyqaralyq tas joldarda jeke tasymalmen ainalysatyn kásipkerlerden fizikalyq túrde jábir kórsetý qaýpimen aqsha talap etken.
Shabýylǵa ushyraǵan jábirlenýshilerdiń arasynda laýazymdyq mindetterin atqaryp júrgen Shekara qyzmetiniń áskeri qyzmetkeri de bar" - delingen habarlamada.
Sot sanktsiiasymen ustalǵan tulǵalar qamaýǵa alyndy. Jedel-tergeý is-sharalary jalǵasyp jatyr.
