Ulttyq qaýipsizdik komiteti kriptoalańdy anyqtaý jáne beitaraptandyrý boiynsha alǵashqy arnaiy operatsiia júrgizdi, - dep habarlaidy "Ult aqparat" UQK baspasóz qyzmetine silteme jasap.
Ulttyq qaýipsizdik komiteti esirtkimen ainalysatyn toptardyń qylmystyq jolmen kelgen qarjylaryn "tazartý" maqsatynda qoldanatyn kriptoalańdy anyqtaý jáne beitaraptandyrý boiynsha alǵashqy arnaiy operatsiiasyn júrgizgen.
"Operatsiia 2022 jylǵy qańtarda Qazaqstan, Ózbekstan men Reseidiń "esirtki naryǵyn" psihotroptyq zattarmen qamtamasyz etip otyrǵan jasyryn esirtki laboratoriiasyn joiýdan bastaldy. Zańsyz ainalymnan esirtkiniń rekord partiiasy – 188 keli "mefedron" alyndy.
Arnaiy qyzmet qylmystyq kapitaldy Qazaqstannan tys shyǵarý men ony "tazartý" shemalaryn anyqtaý boiynsha sharalardy qolǵa aldy. Aqsha aýdarymdary qarjylyq ainalymda qajetti deńgeide aiqyndalmaǵan kriptovaliýtada júrgizilgeni qiyndyqtar týdyrǵanyn atap ótý qajet", - delingen habarlamada.
UQK qylmystyq tizbektiń barlyq qatysýshysyn anyqtaý arqyly, "bitkoindardy" qolma-qol aqsha qylatyn kriptoaqsha aiyrbastaý ornyn tapqan.
"Bul uiym Almatydaǵy ártúrli aqsha aiyrbastaý oryndarynyń qyzmetkerleri arqyly aqshany qolma qol berip otyrǵany belgili boldy.
Nátijesinde qylmystyq shemany uiymdastyrýshy men onyń jaqtastary ustaldy. Memleket kirisine qylmystyq toptardyń is-áreketinen tapqan kriptovaliýtadaǵy 68 million teńge qarjysy ótkizildi", - delingen UQK habarlamasynda.
