ۇلتتىق قاۋٸپسٸزدٸك كوميتەتٸ كريپتوالاڭدى انىقتاۋ جەنە بەيتاراپتاندىرۋ بويىنشا العاشقى ارنايى وپەراتسييا جٷرگٸزدٸ, - دەپ حابارلايدى "ۇلت اقپارات" ۇقك باسپاسٶز قىزمەتٸنە سٸلتەمە جاساپ.
ۇلتتىق قاۋٸپسٸزدٸك كوميتەتٸ ەسٸرتكٸمەن اينالىساتىن توپتاردىڭ قىلمىستىق جولمەن كەلگەن قارجىلارىن "تازارتۋ" ماقساتىندا قولداناتىن كريپتوالاڭدى انىقتاۋ جەنە بەيتاراپتاندىرۋ بويىنشا العاشقى ارنايى وپەراتسيياسىن جٷرگٸزگەن.
"وپەراتسييا 2022 جىلعى قاڭتاردا قازاقستان, ٶزبەكستان مەن رەسەيدٸڭ "ەسٸرتكٸ نارىعىن" پسيحوتروپتىق زاتتارمەن قامتاماسىز ەتٸپ وتىرعان جاسىرىن ەسٸرتكٸ لابوراتوريياسىن جويۋدان باستالدى. زاڭسىز اينالىمنان ەسٸرتكٸنٸڭ رەكورد پارتيياسى – 188 كەلٸ "مەفەدرون" الىندى.
ارنايى قىزمەت قىلمىستىق كاپيتالدى قازاقستاننان تىس شىعارۋ مەن ونى "تازارتۋ" سحەمالارىن انىقتاۋ بويىنشا شارالاردى قولعا الدى. اقشا اۋدارىمدارى قارجىلىق اينالىمدا قاجەتتٸ دەڭگەيدە ايقىندالماعان كريپتوۆاليۋتادا جٷرگٸزٸلگەنٸ قيىندىقتار تۋدىرعانىن اتاپ ٶتۋ قاجەت", - دەلٸنگەن حابارلامادا.
ۇقك قىلمىستىق تٸزبەكتٸڭ بارلىق قاتىسۋشىسىن انىقتاۋ ارقىلى, "بيتكوينداردى" قولما-قول اقشا قىلاتىن كريپتواقشا ايىرباستاۋ ورنىن تاپقان.
"بۇل ۇيىم الماتىداعى ەرتٷرلٸ اقشا ايىرباستاۋ ورىندارىنىڭ قىزمەتكەرلەرٸ ارقىلى اقشانى قولما قول بەرٸپ وتىرعانى بەلگٸلٸ بولدى.
نەتيجەسٸندە قىلمىستىق سحەمانى ۇيىمداستىرۋشى مەن ونىڭ جاقتاستارى ۇستالدى. مەملەكەت كٸرٸسٸنە قىلمىستىق توپتاردىڭ ٸس-ەرەكەتٸنەن تاپقان كريپتوۆاليۋتاداعى 68 ميلليون تەڭگە قارجىسى ٶتكٸزٸلدٸ", - دەلٸنگەن ۇقك حابارلاماسىندا.
