Úkimettiń daǵdarysqa qarsy istep jatqan jobalary men pandemiiamen kúres sharalarynan aimaqtaǵy turǵyndardyń kóbi beihabar. Bloger Iakov Fedorov Nur Otan partiiasy jaqtastarynyń Zoom konferentsiiasynda osylai málim etti, dep habarlaidy "Ult aqparat" Nur Otan partiiasynyń baspasóz qyzmetine silteme jasap.
Atalǵan onlain-konferentsiia «Elimizdegi áleýmettik-saiasi jaǵdai. « Nur Otan partiiasynyń praimerizi elimizde evoliýtsiialyq ózgerister jasaýǵa baǵyt» taqyrybynda ótti. Oǵan Nur Otan partiiasynyń hatshysy Arman Qyryqbaev, saiasattanýshy - Aidos Sarym men Qazbek Maigeldinov, jýrnalist Baǵdat Qojahmetov, Aidos Juqanuly, Rahat Jaqsybai, blogerler Iakov Fedorov, Bibigúl Dáýletbekqyzy, Samat Nurtaza qatysty.
Iakov Fedorovtyń aitýynsha, Úkimettiń árbir qabyldaǵan sheshiminde shynaiylyq bolýy qajet. Olai bolmaǵan jaǵdaida halyq pen bilik arasy alystai bermek.
«Barshamyzdyń dál qazirgi maqsatymyz bir, ol – pandemiiany jeńip shyǵý. Bul rette Úkimettiń jumysy mańyzdy. Onyń qabyldaǵan árbir sheshiminde shynaiylyq bolýy tiis. Aimaqtaǵy turǵyndardyń kóbi Úkimet jumysynan beihabar. Sebebi ol jaqtaǵy atqarýshy bilik aqparattandyrýdyń jańa ádisterimen jumys istemeidi», - deidi Ia.Fedorov.
Ol sondai-aq, eldegi saiasi júiedegi ózgerister de kún tártibindegi basty másele ekenin atap ótti.
«Qazirgi basty másele – ekonomika ǵana emes, úkimet pen júieni saiasi ózgertý. Osyndai ýaqytta bilim berý, ónerkásip salasy toqtamai jumys isteýi kerek. Al, úkimet biznes ókilderine qoldaýyn kúsheitýi qajet», - dep oiyn túidi bloger.
