Úkimettiń keńeitilgen otyrysynyń qashan ótetini belgili boldy, dep habarlaidy "Ult aqparat".
Aita keteiik, búgin Qazaqstan Prezidenti Qasym-Jomart Toqaev QR Úkimetiniń basshysy Asqar Mamindi qabyldady.
Kezdesý barysynda ekonomikalyq ósimdi qalpyna keltirý, investitsiia tartý, halyqty jumyspen qamtýdy qoldaý, áleýmettik mańyzy bar taýarlardyń baǵasyn turaqtandyrý jáne elimizdiń áleýmettik-ekonomikalyq damýynyń basqa da ózekti máseleleri jónindegi sharalar talqylandy.
Sondai-aq osy basqosýda Asqar Mamin Qasym-Jomart Toqaevqa 26 qańtardaǵy Úkimettiń keńeitilgen otyrysyna daiyndyq barysy jaiynda aitty.
Memleket basshysynyń tóraǵalyǵymen ótetin jiynda elimizdiń áleýmettik-ekonomikalyq damý qorytyndylary men aldaǵy kezeńde atqarylatyn mindetter qaralmaq.
