Foto: Akorda
Prezident otandyq biznes ókilderimen kezdesýde Úkimetke qosymsha qun salyǵy máselesin taǵy da pysyqtaýdy tapsyrdy, dep habarlaidy Ult.kz.
"Qosymsha qun salyǵyna qatysty buǵan deiin kózqarasymdy bildirmegen edim. Óitkeni qyzmettik dárejeme sáikes, meniń árbir sózim, pikirim qatań tapsyrma siiaqty qabyldanady. Soǵan qaramastan bul másele boiynsha oiymdy jetkizgim keledi. Qalai desek te, qosymsha qun salyǵynyń mólsherlemesi saralanyp belgilenýge tiis", - dedi Qasym-Jomart Toqaev.
Úkimet usynǵan mólsherleme tym joǵary. Qoǵam arasynda bul dúrbeleń týǵyzdy dep esepteidi prezident.
"Úkimet túpkilikti sheshimdi bilikti sarapshylardyń, qaitalap aitamyn, bilikti sarapshylar men kásipkerlerdiń, álbette depýtattardyń pikirine qulaq asa otyryp, naqty esepteýler negizinde qabyldaǵany durys. Bir anyǵy, Úkimettiń qazirgi usynyp otyrǵan mólsherlemesi tym joǵary. Sizder naqty tsifrdy aittyńyzdar. Ony qoǵam qyzý talqylady. Tipti, kei jaǵdaida artyq sózder de aityldy. Degenmen, bul qoǵam talqysyna aldyn ala salynǵan usynys bolatyn", - dep atap ótti ol.
Kabminge bul máseleni depýtattarmen jáne sarapshylarmen egjei-tegjeili talqylaýdy usyndy.
"Biyl naqty sheshim qabyldanýǵa tiis. Men buǵan deiin de aittym: Úkimet bul máseleni depýtattarmen jáne sarapshylarmen egjei-tegjeili talqylaýy kerek. Búgin aitylǵan oi-pikirler de eskeriledi. Memleketke barynsha ońtaily sheshim qajet", - dep tapsyrdy Prezident.
Aita keteiik, «Atameken» ulttyq kásipkerler palatasy da bul mólsherlememen kelispeitinderi týraly jazǵan bolatynbyz.
