Perizat Qairattyń týystarynyń Dýbaidaǵy páterleri qaiyrymdylyq aqshasyna alynbaǵan bolyp shyqty, dep habarlaidy ult.kz.
Buǵan deiin jelide Perizat Qairattyń týystaryna Dýbaida birneshe páter tiesili ekeni týraly aqparat taraǵan.
Qarjylyq monitoring agenttigi páterler qaiyrymdylyqqa jinalǵan aqshaǵa satyp alynǵan bolýy múmkin degen boljamdy teksergen. Alaida bul aqparat rastalmady.
Agenttik málimetinshe, páterler 2011-2019 jyldary, iaǵni «Biz Birgemiz Qazaqstan 2030» qory qurylǵanǵa deiin satyp alynǵan.
Tergeýde Perizat Qairattyń týystarymen qarjylyq esep aiyrysý júrgizgeni anyqtalmaǵan. Olar odan jáne anasynan bólek turyp, kásipkerlikpen derbes ainalysqan.
Perizat Qairat kim?
Perizat Qairat - «Biz birgemiz» qaiyrymdylyq qorynyń burynǵy jetekshisi. Ol qaiyrymdylyq jobalaryn uiymdastyryp, kómekke muqtaj adamdarǵa qarajat jinaýmen tanylǵan. Keiin qaiyrymdylyq qarjysyna qatysty qylmystyq is arqyly qoǵam nazaryn aýdardy.
2025 jylǵy 25 shildede Astana soty ony asa iri kólemdegi alaiaqtyq jáne qylmystyq jolmen alynǵan kiristerdi zańdastyrý boiynsha kináli dep tanyp, 10 jylǵa bas bostandyǵynan aiyrdy. Sondai-aq múlkin tárkileý jáne 10 jyl boiy qaiyrymdylyq qyzmetimen ainalysý quqyǵynan aiyrý jazasy taǵaiyndaldy. Keiin apelliatsiialyq sot úkimdi ózgerissiz qaldyrdy.
