Qazaqstan Prezidenti Qasym-Jomart Toqaev Qazaqstanǵa memlekettik saparmen kelgen Belgiia koroli Filipp pen Matilda hanshaiymdy Astana áýejaiynda qarsy aldy, dep habarlaidy ult.kz.
"Koroldik jup mingen áýe kemesi Qazaqstan shekarasyn kesip ótken sátten bastap elorda áýejaiyna deiin Qazaqstannyń Áýe qorǵanysy kúshteriniń joiǵysh ushaqtarynyń súiemeldeýimen ushty.
Áýe kemesi qonǵan alańda qarsy alý rásimi aiasynda qurmet qaraýylynyń rotasy men Prezident orkestri sap túzedi", - delingen habarlamada.
