Memleket basshysynyń tapsyrmalaryn oryndaý aiasynda Premer-Ministr Álihan Smaiylov «Qazaqstannyń Damý Banki» AQ qyzmetin reformalaý máseleleri jóninde keńes ótkizdi, dep habarlaidy Premer-Ministrdiń baspasóz qyzmeti.
Reformalaý aiasynda QDB elimiz úshin strategiialyq jáne ekonomikalyq mańyzy bar, ótelý merzimi uzaq aýqymdy ári kapitaldy kóp qajet etetin investitsiialyq jobalardy, sondai-aq indýstriialyq óndiristerdi qarjylandyrýǵa kóbirek baǵdarlanady dep josparlanyp otyr.
«QDB jańa óndiris oryndaryn qurý jobalaryn qarjylandyrýǵa mańyz berýi tiis. Qyzmettiń ashyqtyǵyn arttyrý, biznes-protsesterdi ońtailandyrý men tsifrlandyrý jáne Bank qyzmetteriniń qoljetimdiligin keńeitý jónindegi jumystardy odan ári jalǵastyrý qajet», — dep atap ótti Premer-Ministr Smaiylov.
