QR Premer-Ministri Álihan Smaiylovtyń ókimimenQR Úkimeti janyndaǵy Daǵdarysqa qarsy sharalar jónindegi jedel shtab quryldy, dep habarlaidy "Ult aqparat" primeminister.kz saityna silteme jasap.
Jedel shtab Resei Federatsiiasyna sanktsiialar paketiniń salynýyna jáne olardyń Qazaqstan ekonomikasyna tigizer áserine bailanysty ekonomikada jáne biznestegi problemalyq máselelerdi qarap, sheshetin bolady.
Jedel shtab quramyna negizgi memlekettik organdardyń birinshi basshylary, kásipkerlik qaýymdastyǵynyń ókilderi jáne salalyq sarapshylar kirdi.
Sonymen qatar Jedel shtabtyń aldaǵy jumysyna otandyq biznes pen sarapshylar qaýymdastyǵynyń basqa da ókilderi qatysa alady.
Búgin QR Premer-Ministriniń birinshi orynbasary Roman Skliardyń tóraǵalyǵymen Jedel shtabtyń alǵashqy otyrysy ótti. Onda kólik jáne logistika, kontragentter arasyndaǵy ózara esep aiyrysý máseleleri, sondai-aq otandyq biznestiń basqa da máseleleri talqylandy.
