- Búgin Úkimet úiinde QR Premer-Ministri Baqytjan Saǵyntaev QR ishki ister ministri Qalmuhanbet Qasymovtyń «Qazaqstan Respýblikasynyń keibir zańnamalyq aktilerine ekstremizm men terrorizmge qarsy is-qimyl máseleleri boiynsha ózgerister men tolyqtyrýlar engizý týraly» QR Zańyn iske asyrý barysy jónindegi esebin tyńdady. Bul týraly Ult.kz tilshisi habarlaidy.
Ministrliktiń halyq arasynda túsindirý jumystary boiynsha qabyldaǵan sharalary, sonymen qatar azamattardyń ýaqytsha kelgen jerinde tirkeý máseleleri talqylandy.
Anyqtama: Málim bolǵandai, turǵylyqty jeri boiynsha tirkeý talaptary jalpy álemdik tájiribe bolyp tabylady. Qazaqstanda halyqty turǵylyqty jeri men ýaqytsha ómir súrý orny boiynsha esepke alý zańnamada qarastyrylǵan.
Sonymen qatar, zańda turǵyn úi iesinen úiinde turatyn adamdardy tirkeýmen qamtamasyz etý mindeti bastapqyda bolmaǵan.
Eske sala keteiik, biylǵy 7 qańtarda, «Qazaqstan Respýblikasynyń keibir zańnamalyq aktilerine ekstremizm men terrorizmge qarsy is-qimyl máseleleri boiynsha ózgerister men tolyqtyrýlar engizý týraly» QR Zańyna sáikes, turǵyn úidi jalǵa berýshiler menshik iesine tiesili turǵyn úilerde jeke tulǵalarǵa tirkeýsiz ómir súrýge jol bergeni úshin ákimshilik jaýapkershilikke tartylatyn bolady.
Zań qoǵamdyq qaýipsizdikpen qamtamasyz etý men ekstremizm men terrorizmge qarsy is-qimyl sharalaryn kúsheitýge baǵyttalǵan.
.jpeg)