QR Premer-Ministri Asqar Maminniń tóraǵalyǵymen ótken Úkimet otyrysynda aiqyndyq, ádilettilik jáne eńbekke yntalandyrý qaǵidattaryna negizdelgen ataýly áleýmettik kómek kórsetýdiń jańa tásilderi qaraldy. AÁK bólýdiń jańartylǵan modeli Elbasy Nursultan Nazarbaev bastamashy bolǵan «Áleýmettik qamqorlyq» áleýmettik sharalarynyń qisyndy jalǵasy jáne Prezident Qasym-Jomart Toqaevtyń «Cyndarly qoǵamdyq dialog – Qazaqstannyń turaqtylyǵy men órkendeýiniń negizi» Qazaqstan halqyna arnaǵan Joldaýynda berilgen tapsyrmalaryn oryndaý maqsatynda ázirlengen.
QR eńbek jáne halyqty áleýmettik qorǵaý ministri B. Nurymbetov 2020 jyldyń 1 qańtarynan bastap áleýmettik qoldaý sharalarynyń keshendi tásili men ataýly sipatyn qabyldaýdy qarastyratyn zań jobasyn tanystyrdy.
1) 4 nemese odan da kóp kámeletke tolmaǵan balasy bar nemese 23 jasqa deiingi kúndizgi bólimde oqityn stýdentteri bar barlyq kóp balaly otbasylarǵa memlekettik járdemaqy engizý;
2) Otbasynyń barlyq múshelerine kedeilik shegi men otbasynyń jan basyna shaqqandaǵy ortasha tabysynyń arasyndaǵy aiyrmashylyq retinde toqsan saiynǵy AÁK taǵaiyndaý, bul jaǵdaida otbasynyń jumysqa jaramdy músheleri jumys isteýi tiis, al memleket jumysqa ornalasýǵa jáne biznespen ainalysýǵa kómektesetin bolady;
3) Memlekettiń az qamtylǵan otbasylardaǵy balalardy kepildendirilgen áleýmettik paketpen qamtamasyz etýi: 1-den 6 jasqa deiingi balalar tamaqpen, gigienalyq quraldarmen jáne bilim berý qyzmetterimen, al 6 jastan 18 jasqa deiin — mektepterde tegin ystyq tamaqpen, qalalyq qoǵamdyq kólikte kúndelikti tegin jol júrýmen, mektep formasymen, oqý quraldarymen qamtamasyz etiledi.
Premer-Ministr qaralyp otyrǵan máseleniń mańyzdylyǵy joǵary ekenin atap ótti.
«Biz halyqty áleýmettik qoldaý tetikterin júieli túrde jetildirip otyramyz. Bul baǵytta kóptegen aýqymdy jumystar atqaryldy, ol Elbasynyń erekshe baqylaýyna alynǵan. Memleket basshysy Qasym-Jomart Kemeluly Toqaev atap ótkendei, kómek kórsetý tetigi “ashyq ári ádiletti bolyp, adamdardy beiqamdyqqa emes, eńbek etýge yntalandyrýy tiis», — dedi A. Mamin.
Úkimet basshysy Eńbek jáne halyqty áleýmettik qorǵaý ministrligine ákimdiktermen birlesip, óńirlerde AÁK berýdiń jańa tásilderi týraly túsindirý jumystaryn uiymdastyrýdy, qazan aiynyń sońyna deiin tiisti zań jobasyn Parlamentke usynýdy, al óńirlerdiń ákimderine AÁK usyný boiynsha túzetilgen sharalardyń naqty oryndalýyn qamtamasyz etýdi tapsyrdy.
«Azamattarymyz kómekke muqtaj adamdardyń bári – az qamtylǵandar, kóp balaly otbasylar men balalar memlekettiń qorǵaýynda bolǵanyn jáne solai qalatynyn bilýi kerek. Jumys istei alatyndarǵa – olarǵa oqýdan ótýge, mamandyq alýǵa, jeke kásip ashýǵa, jumysqa ornalasýǵa barlyq jaǵdai jasalyp jatyr», — dep atap ótti Premer-Ministr.
.jpeg)