QR Premer-Ministri Asqar Maminniń tóraǵalyǵymen ótken keńeste Almaty JEO-2 jańǵyrtý jobasy boiynsha sheshim qabyldandy, dep habarlaidy "Ult aqparat" primeminister.kz saityna silteme jasap.
Qoǵamdyq pikirdi eskere otyryp, jylý elektr stantsiiasyn jańǵyrtýdyń qarastyrylǵan tórt nusqasynan qoldanystaǵy energetikalyq qazandyq agregattaryn rekonstrýktsiialaý jolymen JEO-2-ni kómirden gazǵa aýystyrý maquldandy.
JEO gazdandyrýdyń tańdalǵan nusqasy qolda bar jetkizý jáne burý infraqurylymyn paidalanýǵa múmkindik beredi. Bul rette qorshaǵan ortaǵa áseri barynsha azaitylady – kúkirt totyǵynyń, kúldiń shyǵaryndylary bolmaidy, azot totyǵynyń jáne kómirqyshqyl gazy shyǵaryndylarynyń deńgeii tómen.
Joba 2025 jyldyń sońyna qarai kezeń-kezeńimen júzege asyrylady.
