Memleket basshysy Qasym-Jomart Toqaev Úkimetke azamattardyń tabysyn arttyrý úshin usynystar ázirleýdi tapsyrdy, dep habarlaidy QazAqparat.
«Qazirgi tańda eńbek ujymdaryndaǵy jalaqy mólsheri men eńbek jaǵdaiyna bailanysty narazylyqtar kóbeiip keledi. Áleýmettik seriktestik jónindegi úshjaqty komissiialardyń eńbek daýlaryn boldyrmaýǵa qatysty jumysy mardymsyz. Tek qaǵaz júzinde ǵana júrgiziledi deýge bolady. Úkimet jumys berýshiler jáne jumysshylar uiymdarymen birlesip, úshjaqty komissiialar qyzmetiniń tiimdiligin arttyrý úshin pármendi sharalar qabyldaý kerek. Óńirlerde úshjaqty komissiialardy ákimderdiń ózderi basqarýǵa tiis», - dedi Prezident Úkimettiń keńeitilgen otyrysy barysynda
Memleket basshysy týyndaityn máselelerdi aldyn ala boljap, eńbek ujymdarymen jáne jumys berýshilermen ashyq áńgimelesken jón ekendigin basa aitty.
«Taǵy da qaitalap aitamyn, bizdiń basty mindetimiz - halyqtyń ál-aýqatyn arttyrý. Úkimetke azamattardyń tabysyn arttyrý úshin usynystar ázirleýdi tapsyramyn. Bul - ońai jumys emes. Óitkeni, jumysshylardyń, jumys berýshilerdiń múddeleri jáne biýdjettiń múmkindigi arasyndaǵy teńgerimdi tabý óte mańyzdy. Jurttyń kútip otyratyny da osy. Qazaqstan halqyna Joldaýymda bul baǵyttaǵy naqty sharalar jóninde aitýym kerek», - dedi Qasym-Jomart Toqaev.
