مەملەكەت باسشىسى قاسىم-جومارت توقاەۆ ٷكٸمەتكە ازاماتتاردىڭ تابىسىن ارتتىرۋ ٷشٸن ۇسىنىستار ەزٸرلەۋدٸ تاپسىردى, دەپ حابارلايدى قازاقپارات.
«قازٸرگٸ تاڭدا ەڭبەك ۇجىمدارىنداعى جالاقى مٶلشەرٸ مەن ەڭبەك جاعدايىنا بايلانىستى نارازىلىقتار كٶبەيٸپ كەلەدٸ. ەلەۋمەتتٸك سەرٸكتەستٸك جٶنٸندەگٸ ٷشجاقتى كوميسسييالاردىڭ ەڭبەك داۋلارىن بولدىرماۋعا قاتىستى جۇمىسى ماردىمسىز. تەك قاعاز جٷزٸندە عانا جٷرگٸزٸلەدٸ دەۋگە بولادى. ٷكٸمەت جۇمىس بەرۋشٸلەر جەنە جۇمىسشىلار ۇيىمدارىمەن بٸرلەسٸپ, ٷشجاقتى كوميسسييالار قىزمەتٸنٸڭ تيٸمدٸلٸگٸن ارتتىرۋ ٷشٸن پەرمەندٸ شارالار قابىلداۋ كەرەك. ٶڭٸرلەردە ٷشجاقتى كوميسسييالاردى ەكٸمدەردٸڭ ٶزدەرٸ باسقارۋعا تيٸس», - دەدٸ پرەزيدەنت ٷكٸمەتتٸڭ كەڭەيتٸلگەن وتىرىسى بارىسىندا
مەملەكەت باسشىسى تۋىندايتىن مەسەلەلەردٸ الدىن الا بولجاپ, ەڭبەك ۇجىمدارىمەن جەنە جۇمىس بەرۋشٸلەرمەن اشىق ەڭگٸمەلەسكەن جٶن ەكەندٸگٸن باسا ايتتى.
«تاعى دا قايتالاپ ايتامىن, بٸزدٸڭ باستى مٸندەتٸمٸز - حالىقتىڭ ەل-اۋقاتىن ارتتىرۋ. ٷكٸمەتكە ازاماتتاردىڭ تابىسىن ارتتىرۋ ٷشٸن ۇسىنىستار ەزٸرلەۋدٸ تاپسىرامىن. بۇل - وڭاي جۇمىس ەمەس. ٶيتكەنٸ, جۇمىسشىلاردىڭ, جۇمىس بەرۋشٸلەردٸڭ مٷددەلەرٸ جەنە بيۋدجەتتٸڭ مٷمكٸندٸگٸ اراسىنداعى تەڭگەرٸمدٸ تابۋ ٶتە ماڭىزدى. جۇرتتىڭ كٷتٸپ وتىراتىنى دا وسى. قازاقستان حالقىنا جولداۋىمدا بۇل باعىتتاعى ناقتى شارالار جٶنٸندە ايتۋىم كەرەك», - دەدٸ قاسىم-جومارت توقاەۆ.
