Qazaqstan Respýblikasynyń Premer-Ministri Baqytjan Saǵyntaev Máskeýde EAEO-ǵa múshe memleketterdiń Eýraziialyq úkimetaralyq keńesiniń jumysyna qatysýda, dep habarlady Úkimet basshysynyń baspasóz qyzmeti.
Otyrys barysynda EAEO keńistiginde dári-dármek ainalysy salasyn retteitin qujatqa qol qoiý josparlanýda. Atalǵan qujattyń qabyldanýy dári-dármek naryǵyndaǵy jalpy ainalymdy tiimdi retke keltirip, jumyspen qamtýǵa, kontrafaktilik ónimmen kúresýge, dári-dármekterdiń sapasyn arttyrýǵa jáne olardyń baǵasyn tómendetýge múmkindik beredi.
EAEO elderiniń úkimet basshylary otyrysynyń negizgi qaralatyn máselesi – Keden kodeksi jobasyn qabyldaý máselesin talqylaý. Ol uqsas halyqaralyq qujattardy esepke ala otyryp ázirlengen. Otyrysta Izrail memleketi EAEO-men yntymaqtastyqqa múddeli ekendigin bildirdi.
Qazaqstan Prezidenti Nursultan Nazarbaev biylǵy jyldy elimizdiń odaqqa tóraǵalyq etýine orai, Eýraziialyq ekonomikalyq odaqtyń úshinshi eldermen jáne mańyzdy integratsiialyq birlestiktermen ekonomikalyq qarym-qatynasyn nyǵaitý jyly retinde jariialaǵan bolatyn. Kelesi jyly EAEO tóraǵalyǵy Qazaqstannan Qyrǵyzstanǵa tabystalady.
.jpeg)