Qarjy ministrligi QR Úkimetiniń atynan 1150 mln eýro somasynda eýroobligatsiialar shyǵardy, dep habarlaidy "Ult aqparat" vedomstvonyń baspasóz qyzmetine silteme jasap.
Eýrobligatsiialar eki transhpen shyǵaryldy. Birinshisi - ainalym merzimi 7 jyl jáne 0,6 paiyz kýpon mólsherlemesimen nominaldyq quny 500 mln eýro somasynda, Ekinshisi - ainalym merzimi 15 jyl jáne 1,5 paiyz kýpon mólsherlemesimen nominaldyq quny 650 mln eýro somasynda.
Qazaqstannyń eýroobligatsiialar boiynsha qaryz alý quny respýblika úshin, sondai-aq jalpy TMD aimaǵynda rekordtyq tómen deńgeide qalyptasty. Mysaly, 7 jyldyq eýroobligatsiia boiynsha kýpon 0,6 paiyz deńgeiinde bolyp, BBB reitingi kategoriiasyndaǵy damýshy elder ishindegi memlekettermen buryn qalyptastyrylǵan tarihi tómen kýpondyq mólsherleme bolyp tabylady.
Sonymen qatar, eki transhtyń kiristiligi Qazaqstan Respýblikasynyń eýro valiýtasyndaǵy aǵymdaǵy qisyq syzyǵyna teris syiaqyny bildirip, kredittik reitingi joǵary damyǵan birqatar basqa damýshy elderdiń qataryna kiredi, bul Qazaqstanda halyqaralyq investorlardyń joǵary senimi men qyzyǵýshylyǵynyń bar ekenin rastaidy.
15-jyldyq ainalym merzimimen transh TMD aimaǵynda buryn emitenttermen shyǵarylǵan eýroda denominatsiialanǵan eń uzaq shyǵarylym boldy.
Bul mámile Qazaqstan Respýblikasyna dástúrli túrde eýroǵa baǵyttalǵan investorlardy tartý arqyly investorlyq bazasyn diversifikatsiialaýǵa múmkindik berdi. 15-jyldyq ainalym merzimimen transh shyǵarylymy arqyly Qazaqstan eýroda tabystylyq qisyǵyn uzartyp, halyqaralyq kapital naryǵynda óz bedelin nyǵaitty.
Shyǵarylymnyń aldynda Londonda qarjy, ulttyq ekonomika ministrlikteri, Ulttyq bank jáne «Astana» halyqaralyq qarjy ortalyǵy ókilderinen turatyn delegatsiiasynyń 2-kúndik roýd-shoýy boldy.
25 qyrkúiekte praising bolyp, onyń nátijesinde 110 sapaly investordyń qatysýymen 2,8 mlrd eýrony quraityn ótinimder kitaby qalyptasty. Eýroobligatsiialar London qor birjasynda jáne «Astana» halyqaralyq qarjy ortalyǵynyń birjasynda ornalastyrylǵan.
Bul rette «Astana» halyqaralyq qarjy ortalyǵynyń birjasynda eýroobligatsiialardy ornalastyrýdyń jalpy somasynan 17 paiyzdy quraityn 192 mln eýro jalpy somadaǵy eki transh ornalasqan.
Mámileniń halyqaralyq uiymdastyrýshylary, birlesken lid-menedjerler men býkrannerler retinde Citi jáne Societe Generale, birlesken lid-menedjerler retinde - UBS jáne qazaqstandyq uiymdastyrýshy – «First Heartland Securities» (FHS) boldy.
