Ýkrainadaǵy oqiǵalarǵa bailanysty Qazaqstan Respýblikasyna qatysty yqtimal teris áleýmettik-ekonomikalyq saldarǵa qarsy shuǵyl áreket etý maqsatynda Úkimet pen Ulttyq Bank Birlesken is-qimyl josparyn dereý júzege asyrýǵa kiristi, dep habarlaidy primeminister.kz saity.
Úkimet Daǵdarysqa qarsy sharalar keshenin júzege asyrýda. Ulttyq Bank qarjylyq turaqtylyqty qoldaý úshin sharalar qabyldaidy.
Bul Is-qimyl jospary infliatsiiany baqylaýǵa jáne valiýta naryǵyndaǵy turaqtylyqty saqtaýǵa, jumyspen qamtýdy qoldaýǵa jáne jańa jumys oryndaryn qurýǵa, kásipkerlikti damytýǵa baǵyttalǵan sharalardy qamtidy.
Atap aitqanda, qarjy naryǵynyń turaqtylyǵyn jáne teńgedegi depozitterdiń tartymdylyǵyn qamtamasyz etý maqsatynda Úkimet Ulttyq Bankpen birlesip, biýdjet esebinen halyqtyń depozitteri boiynsha syiaqy esepteýdi kózdeitin Teńgedegi salymdardy qorǵaý baǵdarlamasyn iske asyrady.
Ekonomikalyq saiasattyń áleýmettik baǵyttylyǵyn eskere otyryp, halyqtyń ál-aýqatyn arttyrý mindetterin iske asyrýda eń aldymen aýyldyq eldi mekenderge, mono- jáne shaǵyn qalalarǵa, elorda men respýblikalyq mańyzy bar qalalar tóńiregine basa nazar aýdarylady.
Aýyl sharýashylyǵyna arnalǵan jerlerdi ainalymǵa qosymsha tartý arqyly aýyl sharýashylyǵy kooperatsiialary men otbasylyq sharýashylyqtardy damytý úshin jaǵdai jasalady.
Jalpy, aýyldardy, mono jáne shaǵyn qalalardy, elorda men respýblikalyq mańyzy bar qalalardyń shetkeri aimaqtaryn damytýǵa biyl «Aýyl – El besigi» jobasy, Óńirlerdi damytýdyń keshendi jospary jáne basqa da baǵdarlamalar aiasynda respýblikalyq biýdjetten 200 mlrd teńgege deiingi qarajat baǵyttalady.
Ónerkásipti memlekettik qoldaýdyń negizgi bóligi ónimdiligi joǵary kásiporyndardy tehnologiialyq jańǵyrtýǵa jáne damytýǵa arnalady. El ekonomikasyn indýstriialandyrý jáne investitsiialyq jobalardy iske asyrý arqyly importtyq taýarlardy almastyrýdyń mańyzy zor.
Bul rette memlekettik qoldaýǵa ie bolǵan kásiporyndarǵa óz jumyskerleriniń eńbekaqysyn, onyń ishinde eńbek ónimdiligin ulǵaitý arqyly kóbeitý boiynsha qarsy mindettemeler júkteledi.
Osy maqsatta biyl «Biznestiń jol kartasy – 2025» baǵdarlamasyn, atap aitqanda, kreditterdi sýbsidiialaýdy jáne kepildendirýdi qarjylandyrý edáýir ulǵaitylady.
Budan basqa, agroónerkásip keshenin memlekettik qoldaý tiimdiligin arttyrý úshin salany sýbsidiialaý júiesiniń jańa tásilderi ázirlenýde.
Aýyl sharýashylyǵy ónimderiniń ónimdiligin ulǵaitýǵa jáne qaita tereńdete óńdeýge baǵyttalǵan jobalar basymdyqpen qoldaýǵa ie bolady.
Bizneske túsetin artyq ákimshilik júktemeni joiý kózdelgen.
Jyl sońyna deiin basym salalarda memlekettik organdardyń 420-dan astam retteý aktisi qaita qaralady. Kásipkerlerge qoiylatyn talaptarǵa tekserý júrgizý basqa salalar boiynsha da jalǵasady.
Baǵanyń ósýine jol bermeý maqsatynda Úkimet Ulttyq Bankpen jáne «Atameken» UKP-men birlesip Infliatsiiany baqylaý jáne tómendetý boiynsha sharalar keshenin iske asyrady.
Halyqtyń áleýmettik-ekonomikalyq ál-aýqatyn saqtaý jáne arttyrý – Úkimettiń birinshi kezektegi mindeti. Barlyq kúsh-jiger osy mindetti iske asyrýǵa jumsalady.
