Prezident Qasym-Jomart Toqaev koronavirýspen kúrestegi Úkimet pen ákimdikterdiń jumysyn synǵa aldy, dep habarlaidy «Ult aqparat».
«Úkimettiń jáne ákimderdiń qabyldanǵan sharalardy túsindirýinde olqylyqtar bar. Olardyń qoǵam pikirimen tiisti deńgeide jumys istei almai otyrǵany baiqaldy», - dedi Qasym-Jomart Toqaev Úkimettiń keńeitilgen otyrysynda.
«Bas sanitarlyq dárigerdiń pikirine eshkim qulaq asqan joq. Kásibi daǵdy men uiymdastyrý jumysy jetkiliksiz boldy. Nátijesinde biz gýmanitarlyq kómek alyp, sheteldik mamandarǵa keńesteri úshin alǵys aityp otyrmyz», - dedi Memleket basshysy.
Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeitilgen otyrysy beine bailanys júiesi arqyly bolyp jatyr.
Jiynda Úkimet 2020 jyldyń alǵashqy jarty jyldyǵyndaǵy elimizdiń áleýmettik-ekonomikalyq damý qorytyndysy týraly esep berýde. Sondai-aq koronavirýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boiynsha bergen tapsyrmalary men mindetteri qarastyrylady.
