Memleket basshysy sailaýdan keiin alǵash ret jýrnalister aldyna shyǵyp suraqtarǵa jaýap berdi.
«Úkimet otstavkaǵa ketýi múmkin be?» degen jýrnalist suraǵyna memleket basshysy zańnamaǵa sáikes Úkimet otstavkaǵa ketpeitinin aitty. Degenmen kadrlyq taǵaiyndaýlar bolatynyn jasyrmady.
«Bizdiń zańnamaǵa sáikes Úkimet qazir otstavkaǵa ketpeidi. Degenmen naqty kadrlyq taǵaiyndaýlar bolady. Onyń ishinde men ýáde etken Úkimet múshelerine jańa tulǵalar qabyldanady. Olardyń qatarynda jas býyn ókilderi de bolady. Jalpy jastarǵa bailanysty aitar bolsam, óte qabiletti kadrlardy qabyldaý kerek dep esepteimin. "Prezidenttik kadrlyq rezerv" daiyndaimyz. Onyń quramyna barlyq aimaqtan 300 adam kiredi. Bul tizimdi jańartyp otyramyz. Biraq eń basty maqsat – jastardy memleket basqarýǵa jumyldyrý. Qazaqstannyń bolashaǵy jastarǵa tiesili. Bul – ómir zańy. Sondyqtan osy baǵytta jumys isteimiz», - dedi Qasym-Jomart Toqaev búgin Aqordada BAQ ókilderine arnalǵan brifing barysynda.
Esterińizde bolsa, Qasym-Jomart Toqaev sailaý barysynda kandidattardyń barlyǵyna anyq múmkindikter jasalǵanyn aitqan bolatyn. Sonymen qatar, Memleket basshysy ulyqtaý rásiminiń qashan ótetinin aitty.
