مەملەكەت باسشىسى سايلاۋدان كەيٸن العاش رەت جۋرناليستەر الدىنا شىعىپ سۇراقتارعا جاۋاپ بەردٸ.
«ٷكٸمەت وتستاۆكاعا كەتۋٸ مٷمكٸن بە?» دەگەن جۋرناليست سۇراعىنا مەملەكەت باسشىسى زاڭناماعا سەيكەس ٷكٸمەت وتستاۆكاعا كەتپەيتٸنٸن ايتتى. دەگەنمەن كادرلىق تاعايىنداۋلار بولاتىنىن جاسىرمادى.
«بٸزدٸڭ زاڭناماعا سەيكەس ٷكٸمەت قازٸر وتستاۆكاعا كەتپەيدٸ. دەگەنمەن ناقتى كادرلىق تاعايىنداۋلار بولادى. ونىڭ ٸشٸندە مەن ۋەدە ەتكەن ٷكٸمەت مٷشەلەرٸنە جاڭا تۇلعالار قابىلدانادى. ولاردىڭ قاتارىندا جاس بۋىن ٶكٸلدەرٸ دە بولادى. جالپى جاستارعا بايلانىستى ايتار بولسام, ٶتە قابٸلەتتٸ كادرلاردى قابىلداۋ كەرەك دەپ ەسەپتەيمٸن. "پرەزيدەنتتٸك كادرلىق رەزەرۆ" دايىندايمىز. ونىڭ قۇرامىنا بارلىق ايماقتان 300 ادام كٸرەدٸ. بۇل تٸزٸمدٸ جاڭارتىپ وتىرامىز. بٸراق ەڭ باستى ماقسات – جاستاردى مەملەكەت باسقارۋعا جۇمىلدىرۋ. قازاقستاننىڭ بولاشاعى جاستارعا تيەسٸلٸ. بۇل – ٶمٸر زاڭى. سوندىقتان وسى باعىتتا جۇمىس ٸستەيمٸز», - دەدٸ قاسىم-جومارت توقاەۆ بٷگٸن اقوردادا باق ٶكٸلدەرٸنە ارنالعان بريفينگ بارىسىندا.
ەستەرٸڭٸزدە بولسا, قاسىم-جومارت توقاەۆ سايلاۋ بارىسىندا كانديداتتاردىڭ بارلىعىنا انىق مٷمكٸندٸكتەر جاسالعانىن ايتقان بولاتىن. سونىمەن قاتار, مەملەكەت باسشىسى ۇلىقتاۋ رەسٸمٸنٸڭ قاشان ٶتەتٸنٸن ايتتى.
