© Photo: Karachaganak Petroleum Operating B.V.
Qazaqstan Úkimeti eldiń iri munai ken oryndary – Qarashyǵanaq pen Qashaǵandy igeretin operatorlardyń ústinen talap-aryz túsirdi. Bul týraly Energetika ministri Almasadam Sátqaliev málimdedi, dep habarlaidy Sputnik Qazaqstan.
"Úkimettiń ókiletti organy – PSA kompaniiasy Qarashyǵanaq pen Qashaǵan kompaniialarynyń ústinen halyqaralyq arbitrajǵa talap-aryz túsirdi. Ókinishke qarai, men mán-jaidy jariia ete almaimyn. Bir ǵana aitarym, talap-aryz Qazaqstan halqynyń múddesi úshin berildi", - dedi Sátqaliev Úkimet kýlýarynda.
Aitýynsha, talap-aryz somasy 3,5 jáne 13 mlrd AQSh dollaryn quraidy.
Buǵan deiin Bloomberg agenttigi derekkózge silteme jasap, Qazaqstandaǵy eki ken ornyn igerip jatqan kompaniialar arbitraj sotynda el Úkimetinen talap-aryz alǵanyn habarlaǵan edi. Kompaniialarǵa sanktsiialanbaǵan shyǵyndarmen bailanysty aiyp taǵylǵan.
Qazaqstan Úkimeti joba seriktesteri Qashaǵan boiynsha 13 mlrd dollar, al Qarashyǵanaq boiynsha 3,5 mlrd dollar mólsherindegi shyǵyndardy shegermeýi kerek dep sanaidy.
