Búgin Úkimet otyrysynda jańa Ministrler kabinetiniń quramyna engen laýazym ieleri ant berdi, dep habarlaidy "Ult aqparat".
«Úkimet qurylymynda ózgerister bar. Muhtar Tileýderdi Premer-Ministrdiń orybasary – Syrtqy ister ministri bolyp taǵaiyndaldy. Memleket basshysynyń Jarlyǵymen Úkimettiń eki múshesi jańadan taǵaiyndaldy. Ol Ulttyq ekonomika ministri Áset Erǵaliev, Eńbek jáne halyqty áleýmettik qorǵaý ministri Serik Shápkenov. Olar ózderine júktelgen mańyzdy mindetti jaýapkershilikpen atqarady dep senemiz. Jańadan taǵaiyndalǵan ministrlerden ant qabyldaýyn suraimyn», - dedi otyrysty ashqan Premer-Ministr Asqar Mamin.
Sonymen, Qazaqstan Respýblikasynyń Eńbek jáne halyqty áleýmettik qorǵaý ministri Serik Shápkenov pen Ulttyq ekonomika ministri Áset Erǵaliev ant berdi.
«Qazaqstan Respýblikasynyń halqy men Prezidenti aldynda óz Otanym Qazaqstan Respýblikasynyń ekonomikalyq jáne rýhani damý isine barlyq kúsh jigerim men bilimimdi jumsaýǵa, memlekettiń Konstitýtsiiasy men zańdaryn qatań saqtaýǵa, ózimniń is áreketimde zańdylyq pen ádilettilik, azamattyq, ultaralyq jáne konfessiiaaralyq tatýlyq printsipterin ustanýǵa, Qazaqstan halqyna adal qyzmet etýge, óz elimniń memlekettiligi men dúniejúzilik qoǵamdastyqtaǵy bedelin nyǵaita berýge saltanatty túrde ant beremin!» - dedi búgin ministr laýazymyna alǵash kirisken vedomstvo basshylary.
