Qazaqstan Respýblikasy Premer-Ministriniń birinshi orynbasary Roman Skliardyń tóraǵalyǵymen kommýnaldyq kómirge baǵa belgileý máselesi qaraldy, dep habarlaidy primeminister.kz.
Kómirdi taýar birjasy arqyly ótkizý boiynsha pilottyq jobanyń nátijesi talqylandy. Bul mehanizm óziniń tiimdiligin kórsetti – deldaldardyń sany qysqardy, bólshek satýshylardyń kómir kenishteriniń resýrstaryna tikelei qol jetkizýi qamtamasyz etildi.
Kómir qunyna ońtaily baǵa belgileýdi qamtamasyz etý maqsatynda Úkimet ónimsiz deldaldardy shettetý jumystaryn bastady.
Indýstriia jáne infraqurylymdyq damý, saýda jáne integratsiia ministrlikteri men Básekelestikti qorǵaý jáne damytý agenttigi halyqty kómirmen qamtamasyz etý tizbegindegi qajetsiz bailanystardy joiý jáne taýar birjasy arqyly satylatyn kómir kólemin kezeń-kezeńimen ulǵaitý sharalaryn ázirleýde.
Bul jumys Úkimettiń erekshe baqylaýynda.
