Búgin Alstom zaýytynan QR Úkimetiniń qoldaýymen eksportqa 40-shy júk lokomotivi jóneltildi, dep habarlaidy "Ult aqparat" primeminister.kz saityna silteme jasap.
2021 jylǵy qazanda QR saýda jáne integratsiia ministri Baqyt Sultanov pen Alstom kompaniiasynyń Afrika, Taiaý Shyǵys jáne Ortalyq Aziia aimaǵy boiynsha prezidenti Endriý DeLeone Ózara túsinistik jáne yntymaqtastyq týraly memorandýmǵa qol qoidy.
2014 jyly Alstom Nur-Sultan qalasynda shyǵarylatyn 40 Prima T8 AZ8A aýyr salmaqty lokomotivterin qosa alǵanda, 288 mln eýro somasyna 50 elektrovoz jetkizýge kelisimshartqa qol qoidy.
Prima T8 lokomotivi — aimaqtyq temirjol qatynasyn damytýǵa yqpal etetin álemdegi eń qýatty elektrovozdardyń biri. Elektrovozdardan basqa, Ázerbaijanǵa relster de jetkiziledi.
Qazaqstan – Eýropany, Taiaý Shyǵysty, Aziia men Reseidi jańa Jibek joly arqyly bailanystyratyn mańyzdy kólik toraby. Uzyndyǵy shamamen 21 000 shaqyrym bolatyn Qazaqstannyń temirjol jelisi álemdegi kólemi boiynsha úshinshi jeli jáne tehnikalyq qyzmet kórsetý jumystary úshin mańyzdy naryq bolyp tabylady. Sonymen qatar Qazaqstannyń Ázerbaijanmen ózara saýdasy 2021 jyly 332,2 mln dollardy qurady, bul 2020 jylmen salystyrǵanda 3 ese joǵary.
Jalpy, Qazaqstannan Ázerbaijanǵa eksport 2021 jyly 3,4 esege artyp, 287,9 mln dollardy qurady. 2021 jyly Qazaqstanǵa Ázerbaijannan import 77,3% ósip, 44,4 mln dollardy qurady.
Óńdelgen taýarlar eksportyn belsendi ilgeriletý úshin Saýda jáne integratsiia ministrligi qazaqstandyq óndirýshilerge eksporttyq akseleratsiia baǵdarlamasy, Alibaba platformasyna shyǵarý, saýda-ekonomikalyq missiialar arqyly jan-jaqty qoldaý kórsetedi, sondai-aq tolyq konsýltatsiialyq-saraptamalyq qoldaý kórsetedi.
2022 jyly eksporttyq akseleratsiia baǵdarlamasy aiasynda qazaqstandyq óndirýshiler men qyzmet kórsetýshilerdiń Ázerbaijan naryǵyna shyǵýy josparlanǵan. Atalǵan qural qosymsha eksport kólemin arttyrýǵa, sondai-aq jańa qazaqstandyq taýarlardy Ázerbaijanǵa shyǵarýǵa múmkindik beredi.
Aita keteiik, «Eksporttyq akseleratsiia» baǵdarlamasy Memleket basshysynyń tapsyrmasy boiynsha 2020 jyly iske qosyldy jáne eksporttyq áleýeti joǵary taýarlar men qyzmetterdi jyldam ilgerletýge baǵyttalǵan. 2021 jyldyń qorytyndysy boiynsha «Eksporttyq akseleratsiia» baǵdarlamasy aiasynda syrtqy naryqqa 130 jańa oiynshy shyǵaryldy.
