Úkimet kirme joldardy berý qyzmetterine tarifterdi tómendetý boiynsha sharalar qabyldady, dep jazady primeminister.kz.
Biylǵy 21 qańtarda Qazaqstan Respýblikasynyń Prezidenti Qasym-Jomart Kemeluly Toqaev kirme joldardy retke keltirý boiynsha tapsyrmalar berdi.
Osyǵan bailanysty Qazaqstan Respýblikasy Premer-Ministriniń birinshi orynbasary R. Skliar kirme joldar salasynda qyzmet kórsetetin tabiǵi monopoliialar sýbektileriniń qyzmetine tekserý júrgizýdi, qyzmetter quny baǵasynyń belgilenýin taldaýdy jáne tarifterdi tómendetý boiynsha sharalar qabyldaýdy tapsyrdy.
Máselen, biylǵy 1 aqpannan bastap elimizdiń birqatar óńirinde (Nur-Sultan, Almaty qalalary, Qyzylorda, Batys Qazaqstan, Qostanai, Almaty, Pavlodar, Aqmola, Qaraǵandy, Shyǵys Qazaqstan, Aqtóbe jáne Soltústik Qazaqstan oblystary) kirme joldardy berýmen ainalysatyn 21 sýbektiniń tarifteri orta eseppen 80%-ǵa tómendedi.
Sondai-aq Pavlodar oblysynda kirme joldar qyzmetterin usynatyn «ARMAN KALA LTD» JShS tarifteri 93%-ǵa (1741,53 teńge/vagon*km-den 118,07 teńge/vagon*km-ge deiin) tómendetildi.
Bul shara Qazaqstannyń energiia óndirýshi uiymdary úshin otynnyń negizgi jetkizýshisi «Bogatyr Kómir» JShS kómiriniń qunyna oń áser etedi.
Sonymen qatar obektivti baǵa belgileý maqsatynda elimizdiń negizgi temir jol obektilerinde ornalasqan kirme joldardyń iri balans ustaýshysy «Kólik servisi ortalyǵy» AQ (2117,98 teńge/vagon*km-den 164,29 teńge/vagon*km-ge deiin) tarifteri 92%-ǵa tómendedi. Tarifter osy jylǵy 1 naýryzdan bastap qoldanysqa engiziledi.
Atalǵan sharalar kólik shyǵystaryna jáne taýarlardyń, onyń ishinde azyq-túlik ónimderiniń túpkilikti qunyna oń áser etedi.
Úkimettiń osy baǵyttaǵy jumysy odan ári jalǵasyn tabady.
