Foto: Úkimet
Naqty sektordy kreditteýdiń basty draiverleri bankter men «Báiterek» holdingi bolady. Ulttyq damý institýtynyń transformatsiiasy jáne qarjylandyrýdyń jańa basymdyqtary týraly Úkimet otyrysynda Premer-ministrdiń orynbasary – ulttyq ekonomika ministri Serik Jumanǵarin habarlady.
Onyń aitýynsha, ekonomikalyq ósýdiń proaktivti saiasatyn júzege asyrý úshin «Báiterek» Holdinginiń róli kúsheitiletin bolady. Holdingtiń bólý qyzmetinen strategiialyq investitsiialyq qyzmetine kóshý josparlanýda. Búginde ol elimizdiń investitsiialyq holdingine ainaldy. Holding ulttyq ekonomika úshin barynsha mýltiplikativtik áserdi qamtamasyz etetin 15-20 júie quraýshy jobany júzege asyrýǵa shoǵyrlanady.
Qarjylandyrý úshin basymdyq taý-metallýrgiialyq keshenine, mashina jasaýǵa, energetikaǵa, infraqurylymǵa, týrizmge, agroónerkásiptik keshenge, tamaq ónerkásibine, himiia, munai-gaz himiiasyna, agrohimiiaǵa, qurylys materialdaryn óndirýge beriledi.
«Ol úshin Úkimet respýblikalyq biýdjet parametrlerine sáikes 2026 jyly "Báiterek" aktsionerlik qoǵamynyń 1 trln teńgege deiingi biýdjet qarajatyn bólýdi jalǵastyrady. Odan ári qarjylandyrýda ekinshi deńgeidegi bankterdiń qarajatyn tartý basymdyqqa ie bolady», — dedi Serik Jumanǵarin.
