Almaty qalasynyń Almaly aýdandyq sotynda Sanjar Boqaev pen basqa da aiyptalýshylarǵa qatysty qylmystyq is boiynsha sot otyrysy jalǵasyp jatyr. Aqsha qarajatyn jymqyrýǵa qatysty epizodty qaraý barysynda «QazTransGaz» AQ kásipodaq uiymynyń qyzmetine jáne sharttar jasasý tártibine qatysty mán-jailar zertteldi.
Kezekti sot otyrysynda jábirlenýshi retinde tanylǵan Muhtar Ámirhanov 2017-2018 jyldary «QazTransGaz» AQ Zań departamentinde zańger bolyp jumys istegenin aitty. Sol ýaqytta ol kásipodaq múshesi bolyp, qoǵamdyq negizde uiymǵa quqyqtyq qoldaý kórsetip, kásipodaq komitetiniń hatshysy mindetin qatar atqarǵan.
Onyń aitýynsha, ol kásipodaq komitetiniń otyrystaryna tikelei qatysyp, kún tártibin qalyptastyrǵan, talqylanǵan máseleler men qabyldanǵan sheshimderdi tirkep otyrǵan.
Sot talqylaýy barysynda Sanjar Boqaevtyń kásipodaq qyzmetindegi róline jáne sharttardy jasasýdyń mán-jailaryna erekshe nazar aýdaryldy.
Bul rette, Ámirhanov óz aiǵaqtarynda Sanjar Boqaevtyń «QazTransGaz» AQ kásipodaq komitetiniń jiyndaryna bas kompaniianyń ókili retinde qatysqanyn, sondai-aq 2018 jyly «Batys Qytai – Batys Eýropa» baǵyty boiynsha gaz motorly otynmen júretin avtokólikterdiń halyqaralyq avtokerýenin uiymdastyrý jáne ótkizý jónindegi sharttardy jasasýǵa bastamashy bolǵanyn aitty. Sonymen qatar, jaýap alý barysynda Ámirhanov Boqaevtyń merdiger retinde «BM Trust» jáne «We Can» JShS-laryn usynǵan bolýy múmkin ekenin rastady.
Ámirhanovtyń túsindirýinshe, shart jasasý týraly sheshimderdi kásipodaq komitetiniń músheleri daýys berý arqyly qabyldap, olar hattamalarmen rásimdegen. Alaida hattamalar otyrystar ótkennen keiin de qol qoiylyp bekitilýi múmkin bolǵan.
Onyń túsindirýinshe, sharttardy kelisýdiń mindetti jazbasha reglamenti bolmaǵan, sondai-aq olardy qaraýdyń naqty belgilengen merzimderi de kózdelmegen. Qujattardy zań, ekonomika jáne býhgalteriia qyzmetteriniń qosymsha tekserýinen ótkizýdi mindetteitin talap bolmaǵan.
Eske sala ketsek, Sanjar Boqaevqa Qylmystyq kodektiń bes baby boiynsha aiyp taǵylyp otyr: asa iri mólsherdegi alaiaqtyq (190-bap), qylmystyq jolmen alynǵan aqsha qarajatyn zańdastyrý (218-bap), urlyq (188-bap), aǵashtardy zańsyz kesý (340-bap) jáne kórineý jalǵan aqparat taratý (274-bap).
Atalǵan is boiynsha ózge de aiyptalýshylardyń qatarynda alaiaqtyq jasady jáne qylmystyq jolmen alynǵan kiristerdi zańdastyrdy dep aiyptalǵan onyń jieni Madiiar Qalmenov, sondai-aq urlyq jasady, aǵashtardy zańsyz kesti jáne kórineý jalǵan aqparat taratty dep aiyptalǵan mobilograf Ulan Núsipqoja bar.
