فوتو: ٷكٸمەت
ناقتى سەكتوردى كرەديتتەۋدٸڭ باستى درايۆەرلەرٸ بانكتەر مەن «بەيتەرەك» حولدينگٸ بولادى. ۇلتتىق دامۋ ينستيتۋتىنىڭ ترانسفورماتسيياسى جەنە قارجىلاندىرۋدىڭ جاڭا باسىمدىقتارى تۋرالى ٷكٸمەت وتىرىسىندا پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين حابارلادى.
ونىڭ ايتۋىنشا, ەكونوميكالىق ٶسۋدٸڭ پرواكتيۆتٸ ساياساتىن جٷزەگە اسىرۋ ٷشٸن «بەيتەرەك» حولدينگٸنٸڭ رٶلٸ كٷشەيتٸلەتٸن بولادى. حولدينگتٸڭ بٶلۋ قىزمەتٸنەن ستراتەگييالىق ينۆەستيتسييالىق قىزمەتٸنە كٶشۋ جوسپارلانۋدا. بٷگٸندە ول ەلٸمٸزدٸڭ ينۆەستيتسييالىق حولدينگٸنە اينالدى. حولدينگ ۇلتتىق ەكونوميكا ٷشٸن بارىنشا مۋلتيپليكاتيۆتٸك ەسەردٸ قامتاماسىز ەتەتٸن 15-20 جٷيە قۇراۋشى جوبانى جٷزەگە اسىرۋعا شوعىرلانادى.
قارجىلاندىرۋ ٷشٸن باسىمدىق تاۋ-مەتاللۋرگييالىق كەشەنٸنە, ماشينا جاساۋعا, ەنەرگەتيكاعا, ينفراقۇرىلىمعا, تۋريزمگە, اگروٶنەركەسٸپتٸك كەشەنگە, تاماق ٶنەركەسٸبٸنە, حيمييا, مۇناي-گاز حيميياسىنا, اگروحيميياعا, قۇرىلىس ماتەريالدارىن ٶندٸرۋگە بەرٸلەدٸ.
«ول ٷشٸن ٷكٸمەت رەسپۋبليكالىق بيۋدجەت پارامەترلەرٸنە سەيكەس 2026 جىلى "بەيتەرەك" اكتسيونەرلٸك قوعامىنىڭ 1 ترلن تەڭگەگە دەيٸنگٸ بيۋدجەت قاراجاتىن بٶلۋدٸ جالعاستىرادى. ودان ەرٸ قارجىلاندىرۋدا ەكٸنشٸ دەڭگەيدەگٸ بانكتەردٸڭ قاراجاتىن تارتۋ باسىمدىققا يە بولادى», — دەدٸ سەرٸك جۇمانعارين.
