QR Úkimeti Eýraziialyq ekonomikalyq odaqqa múshe memleketterde tirkelgen jekelegen kólik quraldaryn Qazaqstan Respýblikasyna ákelýdiń jáne QR azamattarynyń paidalanýyna qatysty jańa qaýly shyǵardy, dep habarlaidy primeminister.kz. "Ult aqparat" atalǵan qaýlynyń tolyq mátinin jariialaidy.
Eýraziialyq ekonomikalyq odaqqa múshe memleketterde tirkelgen jekelegen kólik quraldaryn Qazaqstan Respýblikasyna ákelýdiń jáne Qazaqstan Respýblikasy azamattarynyń paidalanýynyń keibir máseleleri týraly
Qazaqstan Respýblikasynyń Úkimeti QAÝLY ETEDI:
1. «Óndirýshilerdiń (importtaýshylardyń) keńeitilgen mindettemelerin iske asyrý qaǵidalaryn bekitý týraly» Qazaqstan Respýblikasy Úkimetiniń 2016 jylǵy 27 qańtardaǵy № 28 qaýlysyna (Qazaqstan Respýblikasynyń PÚAJ-y, 2016 j., № 3-4, 18-qujat) mynadai tolyqtyrýlar engizilsin:
kórsetilgen qaýlymen bekitilgen Óndirýshilerdiń (importtaýshylardyń) keńeitilgen mindettemelerin iske asyrý qaǵidalarynda:
20-tarmaq mynadai mazmundaǵy ekinshi abzatspen tolyqtyrylsyn:
«Qazaqstan Respýblikasynyń azamattary Eýraziialyq ekonomikalyq odaqqa múshe memleketterden 2020 jylǵy 1 aqpanǵa deiin ákelgen avtokólik quraldaryna qatysty tólem 2021 jylǵy 1 naýryzǵa deiin engiziledi.»;
22-tarmaq mynadai mazmundaǵy abzatspen tolyqtyrylsyn:
«Óndirýshilerdiń (importtaýshylardyń) keńeitilgen mindettemelerdi oryndaǵanyn rastaityn qujat Qazaqstan Respýblikasynyń azamattary Eýraziialyq ekonomikalyq odaqqa múshe memleketterden 2020 jylǵy 1 aqpanǵa deiin ákelgen avtokólik quraldaryn bastapqy tirkeý kezinde jol qaýipsizdigin qamtamasyz etý jónindegi ýákiletti organǵa 2021 jylǵy 1 naýryzǵa deiin usynylady.»;
2. Qazaqstan Respýblikasynyń Ishki ister ministrligi 2020 jylǵy 1 naýryzǵa deiin zańnamada belgilengen tártippen:
1) Qazaqstan Respýblikasynyń azamattary Eýraziialyq ekonomikalyq odaqqa múshe memleketterden 2020 jylǵy 1 aqpanǵa deiin ákelgen, «Dóńgelekti kólik quraldarynyń qaýipsizdigi týraly» Eýraziialyq ekonomikalyq odaq tehnikalyq reglamentiniń (Keden odaǵy Komissiiasynyń 2011 jylǵy 9 jeltoqsandaǵy № 877 sheshimi) talaptaryna sáikes keletin avtokólik quraldaryn tirkeý;
2) kórsetilgen sanattaǵy avtokólik quraldaryn tirkeý týraly kýálikterdiń jaramdylyq merzimin 2021 jylǵy 1 naýryzǵa deiin belgileý;
3) Qazaqstan Respýblikasynyń azamattary Eýraziialyq ekonomikalyq odaqqa múshe memleketterden 2020 jylǵy 1 aqpanǵa deiin ákelgen kólik quraldaryn tirkeý jónindegi aqparatty Qazaqstan Respýblikasynyń Qarjy ministrligine jiberý boiynsha sharalar qabyldasyn.
3. Qazaqstan Respýblikasynyń Qarjy, Ishki ister, Ádilet, Ekologiia, geologiia jáne tabiǵi resýrstar ministrlikteri zańnamada belgilengen tártippen osy qaýlydan týyndaityn sharalardy qabyldasyn.
4. Osy qaýly alǵash resmi jariialanǵan kúninen bastap qoldanysqa engiziledi jáne 2021 jylǵy 1 naýryzǵa deiin qoldanylady.
Qazaqstan Respýblikasynyń Premer-Ministri A. Mamin
